هبت شمال وساقت الوبـل هتـان=قالوا روى قلب العطش قلت لِلَـه
توه يبل الريق من ريـق الأمـزان=قلـبٍ تفـيـا غيـمـةٍ مسفهـلـه
ودي تفيض بفاتر الصوت غـدران=المطـر يرفـا عـن الكبدعـلـه
حي الغلا بشفاك ياعطر الأشجـان=قل للغرير اللي نهى القلـب قلـه
طاح الربيع ووردت جرد الأغصان=عشب القلوب مصافح الخل خلـه
نش السراب وحادي الغيم نشـوان=هيض غناه معانـق الـورد طلـه
من فرحتك شابت نواطير الأحزان=وبجيتك خان أسـود الهـم ظلـه
هج الظلام وسال في حجر الأعيان=ضـي تزفـه غــرةٍ مسفهـلـه
لك من هنا لأخر تفاصيل الأزمـان=عشـق ٍ تمـده راحـةٍ ماتمـلـه
واليا لفحك القيظ بأطراف الأجفان=خذ نصف قلبي لا خذ القلب كلـه
لا تستذير معاند الشـوق غلطـان=الله عطاك امـر الخفـوق وتولـه
احيان اسوق العمر وتسوقه احيان=بيني وبينـك دق عمـري وجلـه
نمسي على جال المقاديـر خـلان=نصبح ومرباع الغـلا فـي محلـه
ماعاتبك لو ساهي الرمش كسـلان=ألقا العـزا بمـزاح شعـرٍ تفلـه
هاك القصيد تفجر العشق بركـان=خذ من سناه وبارد الحـرف خلـه
ياعل شعرٍ منـت قافـه والأوزان=تصدا عليه شهورهـن و الأهلـه