قبيلة بني رشيد - فــــــلاح الــمــورقـــي وحسيـن بــن شـتـوي الحبـابـي

حسيـن بــن شـتـوي الحبـابـي =
ياسلامي عليكم عـد وبـل السحـاب =من هجوس الحبابـي يـوم غنابهـا
صوتـوا للعتيبـي كلكـم ياشـبـاب =شاعر ومن قبيلـه يحسـب حسابهـا
فــــــلاح الــمــورقـــي =
باسم ربعا لهم بالطيب بـاب وجـواب =مرحبا والجزيلـه حـظ مـن جابهـا
ماعلينـا خـلاف ولاحسبنـا حسـاب =شـب نـارك تـرى للنـار شبابهـا
حسيـن بــن شـتـوي الحبـابـي=
اقحطان (ن) خولك وارق فوق الهضاب =وفيه غلطـات لازم نعـرف اسبابهـا
احفظ الدرس ياللي تدرسون انتسـاب =والـمـدارس تورطـنـا بطلابـهـا
فــــــلاح الــمــورقـــي =
انت خالي وخالي من رجـال عـراب =ميـر مـن دور البـلاوت يبلابـهـا
انت ياحسين وايش له ماحفظت الكتاب =والمدارس تري اللي مثلـك اولا بهـا
حسيـن بــن شـتـوي الحبـابـي =
ليش حاكم .... سوا لابـوه انقـلاب =وليش الاصحاب تبغي تزعل اصحابها
انت يالمورقي بين الخطاء والصـواب =لاتخلـي خوالـك تفقـد اعصابـهـا
فــــــلاح الــمــورقـــي=
لاجل نحمى الاشده نتحمـي للحـراب =والمسامـه ترانـا مـا رضينابـهـا
انت تبغي جنـان الخلـد والا العـذاب =ماتضيع الحقـوق ان وصـل طلابهـا
حسيـن بــن شـتـوي الحبـابـي=
بان نجم الجدي في الجو والبدر غـاب =والاجاويـد قامـت تشعـب اركابهـا
كما دعينا وياجعل الدعـاء مستجـاب =جعل عينـي تهنـا شوفـه احبابهـا
فــــــلاح الــمــورقـــي =
مايغيب البـدر لكـن دونـه ضبـاب= يوم بعض العرب مايحسب احسابهـا
والله اني لاموت ولا طـردت السـراب =غير ربـي جميـع النـاس ماهابهـا
حسيـن بــن شـتـوي الحبـابـي =
القضيه ماهي دعوى حضور وغيـاب =غيـر ياساتـر الاجـسـام بثيابـهـا
يا عتيبي تراني مـن رجـال الحبـاب =خل عنك الدعاوي وايش تبغـي بهـا