بديت ذكر اللي عليم ٍ بالأسرار = الواحد اللي بأمره أدور الأفلاك
مغيره أحد ٍ ربنا النافع الضار = مظهر سفينت نوح من غب الأدراك
ومن بعد ذكر الله من الشعر نختار = هرج ٍ صحيح ولا يجي حوله أشكاك
قول ٍ من لساني ماهو قول ثرثار = وحنا لكسب الطيبه ندرك أدراك
المدح للّي يكرم الضيف والجار = يابن طريخم نعم في مد يمناك
تستاهل التمجيد يا واف الأشبار = ويستاهل التمجيد مثلك و شرواك
يا مذبح القعدان يا نسل الأحرار = يا لله عسا بعض الرجاجيل تفداك
عزمت شيخان الشمل وأهل الكار = وأكبر فخر عزيمتك لبن براك
والشيخ ابن سمره كفو وله مقدار = حامي حدود الغرب لدك دكاك
ومن طيب ساسك جوك الأكرام زوار = ومعك أستجابوا طيب الله محياك
الله يفكك من صواديف الأقدار = وعسا الولي من ضيم الأيام يا قاك
ومن عقبك عساه ما تمسه النار = وأله ذخر تبقى ولايذوق فرقاك
وصلاة ربي عد هتاف الأمطار = وعداد ما غرد حمامن على الراك
على النبي الهاشمي سيد الأبرار = شفيعنا بيوم ٍ يجي فيه الأرباك