CENTER]السلام عليكم ورحمة الله وبركاته
أخواني في شبكة عبس أقدم لكم محاورة جرت بين الشاعر عيد غازي الرشيدي والشاعر مشعل الغبيوي العتيبي





مشعل




سلام تسليمه على عيد الاعياد
من هاجسٍ غنى ..وعايد بعيده !!
ياساكن الحره!! عسى الحره تزاد
ويرزف عليها غيم..كمله يفيده




عيد


يامرحبا ترحيبتن جتك تنقاد
من هاجسن يروي ضماك ويزيده
الديره الي قلتها شوقها زاد
وانا كويتي والحكومه رشيده



مشعل





دام البقا للي رفع سبع بوتاد
وسبعٍ بلي والحكومه عبيده
لازاد شوقه..نقدح الفتل بزناد
ودشداشته من فوق ثوبه جديده



عيد





سبحانه الي كلبونا له عباد
ومن يخلف الرحمن ربك يكيده
اقدح وخل الملح بالجو وقاد
اقدح وخل الشوق للي يبيده



مشعل


الياقدحنا ليت يالو ياعاد
عنها يسدك فعل راع القصيده
ويفيدك الفايد وتنفاد لا فاد
والفيد قبل الشطر علمه تجيده



عيد


قدحت ملحك يالعتيبي ولاباد
والعلم حامض والهقاوي بعيده
هاك الركايب سقتها سرج وشداد
عسفتها واهي من اول شريده



مشعل


ابوك ياعيد الخياري..ترى جاد
وخبري خلال وينخله لي عصيده
قدحة وثار الملح..عشره يالاجواد
تثبتله شدادك ياريما..الفريده



عيد




وشحد نفسك يالغبيوي عن الزاد
كلن يعشي ربعه الـي يصيـده
خل العلاقه بيننا فرس واكـراد
نصيحتي خل العلاقـه وطيـده



مشعل


ياللي تغوص البحر من فوقك امجاد
مني تلالا نجمها عن جحيده
خلك على المسحوب يالذيب وراد
لايارد اللي كبرك يالوليده



عيد




شفت المحيط الي به الموج هداد
انا سبحت بقبته مع جليده
خلك علي ضفت نهر شط بغداد
تلعب بك الامواج مثل الجريده



مشعل




يالي تشيل الحمل في بعيرك اقراد
اكل ظهر جلده..وحمله قريده
مابين جزر ومد.. بحطله قياد
وظرب بريدي يكشف اللي بريده



عيد


يامهرتي اسري بلا سرج واقياد
دم العتيبي يحترق في وريده
ماينطح الشعار منضم وقصاد
ولاينبني طنبن بليا وتيده



مشعل




للكور دله تشوم عن كل براد
من هايلي صلحتها بك نشيده
تبي تصيد وجيت من صيد من صاد
ياملازمن عينه برتبتة عميده



عيد


اشرب دلالك مايفيد التنهاد
الشعر شارب مبطيه مع جديده
والا انت من صيد امس بالهون بركاد
ياللي تهوز اطويق شاللي تريده



مشعل




اللي يباله عود في سوق الاعواد
واللي يبي مروس يسمع هبيده
واللي يقود الذود وللذود قواد
الله لايعيده.ا.. ولاذود يعيده



عيد


انا اقود القوم والا انت تنقاد
قود السبيا يامخاشر سعيده
لاتنهفي من عالي الرجم للواد
وان طحت منتا يالسنافي فقيده




مشعل


انت السنافي بن سنافي على اد
وسيداالسنافيه على قاف ايده
خلك بظل الشجره اللي لك بلاد
بفراش الكرامه..لاتشذ وتحيده!!

وتقبلو تحياتي

انا اقود القوم والا انت تنقاد=قود السبيا يامخاشر سعيده
لاتنهفي من عالي الرجم للواد=وان طحت منتا يالسنافي فقيده