قبيلة بني رشيد - نسنس نسيم الشتا

كتبت هذه القصيده ولها اسبابها التى يستنبطها كل شاعر وكل متذوق وارجو ان تجد فى قلوبكم موقع

نسنس نسيم الشتا واقفا الخريف ولوح العود
وكل شى(ن) نهاية حسبته ميصال حــــــــده
تمر الايام وتمر الليالى البيض والســـــــــــود
والآدمى تايه(ن) فيها وساهى عن مـــــــرده
الموت والقبر وسآل(ن) عليه قضاه وشهود
يحيلة الله لياما الذنب بان وكشف ســـــــده
يربى انى طلبتك وانت للطلبات ماجــــــــود
تنعم علينا بفضل(ن) منك يا ربى تمـــــــــده
واجعل لنا صالح الاعمال مكتوبات وتــــــــزود
فى كل يوم(ن) علينا طلوع شمسك تستجده
طال المدى طال وانا عايش(ن) به حل وعقود
متجول(ن) فيه فكرى مع توافيقه وضـــــــده
مرات تحلالى الدنيا واراها سرور وسعــــود
ومرات تعكر علي وحبلها الراخى تشــــــــده
وارص قلبى على الصبر الجميل بكل مجهود
واقول يارب لطفك والفرج مع كل شــــــــده
انته ملاذى ومقصد حاجتى ياخير مقصــــود
يمكون الكون كله فوق الارض المستــمــتده
مافيه مخلوق ماله فى الملا صدقان وحسود
ولاكل منهو فتح باب(ن) على نفسه يســـــده
ولا كل منهو غزا قوم(ن) كسب من عندهم زود
ولا كل منهو تشقا بمودمانى كســــــــــب وده
ولا كل من مارس المعنى يجيب النظم مجرود
ولا كل من يلتزم بالعلم قدر اخـــــــــذه ورده
ولا كل من يمدحونه فيه كل المدح ماجود
ولا كل عذرا تضع وتجيب شبل من الاســـــده
يقوله الخاطر اللى بين هيض وغيض معقود
ولا يدرى الحل كيف ومن مقره بستمــــــــــده

محمد بن بركى السودان