قبيلة بني رشيد - الشاعر لافي حمود الغيداني

هذه قصيده رائعه للشاعر القدير لافي حمود الغيداني وأرجو أن تحوز على رضاكم

يـامـكثـريـن الـهرج لااسـمع ولااجـيب "
"تـريـحوا مـن فـضلـكم واسمحوا لي

تـــريـــحوا لاتــلحــقون الــمشــاهــيب "
"عـلى الـردى مـانـي شـفوق عجولي

بـالـعقـل والـصبـر ادب الـنفـس تـاديب "
"والا لـــها مــده تــصول وتــجولــي

خــلج تــرازم فــي ســياج الــمحـاديـب "
"مــافــيهـن الـلي بـالـعقـال مـعقـولـي

اشــد وطــية زور مــن شــمخ الــنيـب "
"الـيا ضـاع مفعو ل الحيل والحلولي

انـــا لاقـــلت ارتـــب الـــقول تــرتــيب"
"حــتى يــجي كــي عــلى فـك قـولـي

الـيا ارسـلت لافـكار الـقريـحه مـناديـب"
"تـرايـعن مـن عـقب مـاهـن جـفولـي

لــكن مــالــي مــن وراهــا مــكاســيب "
"لـو كـان عـشاق الـقشـر صـفقوا لي

مــامــستــفيــد الا الــعدو والاجــانــيب "
"ولانـي مـطيـع مـقرقـعيـن الـطبولي

خــليــتهــا تــعطــي فــجوج مــجاديـب "
"جـربـا تـجود فـي رسـنهـا مـهبـولي

والله لااجـــنب دام لــي درب تــجنــيب "
"مـن شـرهة حـشام الـرفـاقه خجولي

لـــو انـــها بـــين الــنحــر والــتلابــيب "
"مـن الـحيـا وجـهي مـهوب مغسولي

طـــبع لـــنا نـــشب عـــليــه ونــشيــب "
"وطـــبيـــعةٍ لـــعلـــها مـــاتـــزولــي

عــلى الــجمـاعـه لـلجـماعـه مـواجـيب "
"الا جــهلــوا قـدر الـرفـيق الـهتـولـي

مـانـي عـلى ربـعي قـريـب مـحاضيب "
"ادنــاة مــايــخلـينـي اسـرج خـيولـي

ان جـات مـن طيب شقاها على الطيب "
"لـو انـها اعـوج مـن رقـبة الـذلـولـي

وان جـات من مسكين منطق واساليب "
"حــطيــتهــا بـين الـثرى والـنعـولـي

لاحــركــت شــعره ولاطــلعـت شـيب "
"ولاضـيقـت صـدري ولاطق جولي

وان كـان فـي صـبري على ميلهم عيب"
" الـعيـب تـفتـيش الـصرر والحثولي

لاقــمت تــذكـر فـي رفـيقـك عـذاريـب "
"وتــبيــن عــيوبــه لــذولــي وذولــي

صـبرك عـلى ربـعك علاج وتـطابيب "
"يــقصــر حـبال الـسالـفه لاتـطولـي

حــتى مــايـلقـا فـي طـرفـها مـقاضـيب "
"كــراه خــير ولــلمــشاكــل مــيولـي

والــيا بــليــت بــتايـه شـره وصـعيـب "
"يـقول انـا الـعراف وانـت الـجهـولي

قـــل الله الله يـــاحـــصان الاطـــالــيب "
"يــالـفاهـم الـعالـم عـطيـب الـفعـولـي

هـذا الـكلام الـلي مـافـي صـحتـه ريـب "
"لانــيب لاحــولـك ولانـتاب حـولـي

حـصان وبـن حـصان طـيب مـجاذيب "
"وبــالـمعـرفـه رجـل مـحلـي ودولـي

خـله يـروح يـخطـي الـدرب ويـصيـب "
"يـقول مـابـالـناس عـرضي وطولي

والــفرق مــاهــو بـالـلحى والاشـانـيب "
"الــفرق بـين الـناس فـرق الـعقـولـي

كــم واحــد تـحسـن بـه الـظن ويـخيـب "
"الــسن يــضحــك والـفواد مـعلـولـي

والــلي غــدت بــه كــلمة مــالـها غـيب "
"ماهو من اطيب ربعي اللي غود لي

يالله عــساهــا صــيحة فــي قــفا ذيـب "
"وقــلع الــنيــا بـينـي وبـينـه يـحولـي

الرجل مايغصب على الطيب تغصيب "
"الـيا صـار مـاهو دل ضمن الدلولي

ومـن عـادة الـلي طـيبه يحضر ويغيب "
"لاطــالــت الــرفــقة زهـوق مـلولـي

والــيا بــلنــك غــبر الايــام بـصحـيب "
"فـي مـستـوى طيبه صعود ونزولي

اعـرف تـرى الـدنيا دروس وتجاريب "
"والــكامــل الله والــنقــا لــلرســولـي

لاتــصيــر مــشذاب يـقص الـعراقـيب "
"خـــله وراع الاولـــه وش يـــقولــي

اخــذت حــكمــه مــن كلام الــلواعــيب "
"لــلطــيب نـاس ولـلعـذارى فـحولـي