نادوا العمده على فنجال دله=إيتقهوى وبعدها ناخذ علومه
قالوا انه قام يجمع له عصابه=الله اعلم وش طراله من طواري
من يعقد الحبل ياناصر يحله=والسماء ماضيع الطرقي نجومه
وانت شايب وش بقى له من شبابه=لاتصير بتالي الوقت انتحاري

يادليلتنا ليا ضاع الادله=لاتصير السالفه شبه معدومه
انت ذيب ٍ طحت في وسط الذيابه=وانتبه لي زين ياذيب الغداري
الطبايع بالاوادم والجبله=ماتغير بين ليل وبين يومه
راحت ايام المعارك والحرابه=والزمن هذا زمن بايع وشاري

ماعليك اقصور تل القاف تله= وخل دعوانا يابو زيد محزومه
والبحر ماهمته ريشت ذبابه= والنجوم اطيح في وسط الصحاري
ياجهلت الرجل فانظر صاحبله=ذا مثل قالوه ياناصر قرومه
ولاوادم دايم ٍ فيها تشابه= بس الاصلي ما يقارن بالتجاري