سلام ياهل المنتدى اللي تالي الايام مـاش=من يوم عنّه غاب حمال الحمول الجايـرة
البرق يبرق والرعد يرجف وقافيه الرشاش=لايمكن الليلة تطير مع البـروق الطايـرة

يامرحبا ترحيبتن تعطيك يا خطاف كاش=يا السايق اللي موترك يهتزمن توايـره
مافيه برق يروع الطيار ذا لمعة فلاش=يلمع اليامنه لمسه الهربا مـن وايـره

دام البقاء والأمر قفل ليش ماسوي نقـاش=من شان ترجيع العميد الربع صارت حايرة
تقولها وأنت الذي داخلك بالوضع أرتباش=حنا نعرفـك يالدمـي الراكـدة والفايـرة

انته تدور للجحـش والا تـدور للكـلاش=ترا الجحوش الله يجيرك بالفيافـي ذايـره
اسكن بمثل الفيصليه لاتجي وصط العشاش=يبلشك يا خطاف تطمين الصدور الفايـره

لا و الله الا صار وضع الشاعر المقداد ماش=الوضع يبغى حـل مايحتـاج زود مزايـرة
الحر ينزل بالمعالي مانزل وسـط القشـاش=حنـا ليامنـا لقينـا اللـي يسيـر أنسايـره

الله يجيب الك الغطا والله يجيـب الـك الفـراش=ويجيب لك معهن هذيك الحمرا المتدايره
حتى تنام ولا تخشخش يا المخشخش بالخشـاش=ونسلم منك لانك مغير تكاير المتكايـره

نويت أمشيلك مابين الاربعـة شهـري معـاش=من شان محد يقول هذيك الخواطر بايرة
صحيح من قال الضبي راسه مايلقابـه عـراش=وصحيح ماتصلح ليا جات الذخاير ثايرة

تجمع عباد الله ورميك يا ابيض الشارب طشـاش=يا زين راسك وانت بين مغادرات وزايره
القـوم ماتبغـا منـك بسمـات يالوجـه البشـاش=جراتك الاربع تبي منك العلوم الجايـره

عدت وراحت وأثر بعض الناس بين الناس لاش=لاواحليلـك يالعـقـول الطيـبـة والنـايـرة
اللعب من بيني وبينك ياطويـل العمـر كـاش=لكن نصيحـة لاتجـي بعديـن درب العايـرة

يا مدفع ارمضان ترمي مير طلقاتك خياش=ولو ماتصير الليل هذا فيك بكره صايـره
البرد قارص علم اللي موقدن ناره قشاش=يمسي ويصبح بيناتـن للعـرب دوايـره