قبيلة بني رشيد - المطيري و سند الرشيدي

قال الشاعر
محمد الهجله المطيري

الجفاء والصد يأهل الخير قاسي
خص لا جاء من رياجيلن وفيه
يا سند يا صاحبي ليه انت ناسي
و لا تبادلني و لو رد التحيه
خوة الطيب تراها تاج راسي
والردي لو يحترق ماني خويه
هرجت الطيب ترى تبري عماسي
مثل ما ينعشك ريح الشاذليه
والوفا يرسي مثل ذيك الرواسي
ما تهزه كل ريحن موسميه
والذهب سعره ماهو مثل النحاسي
قلتها و أنا اعرف النيه مطيه
وكان ثوبك طال أنا ثوبي مقاسي
و ما تطوله يدك طالنه يديه
ويا الرشيدي شوفتك تبري عماسي
والخوي لو غاب ما ينسى خويه

¤رد الشــاعــر¤
¤ســــند الـرشـــــــــيدي¤

مرحبا وعداد رملن فالطعاسي
وعد من زار الحرم صبح اومسيه
وعد من سمعولرنات الجراسي
للذي في غيبتي يشره عليه
يامحمد صاحبك ماهو بناسي
كيف ينسى صاحبه والله قويه
الضروف اللي حصل فيها احتباسي
والعذران كان جت مني خطيه
الوفا طبعي وهو اصلي وساسي
وطبع ربعي عبس امساومت المنيه
والاسد فعله ماهو مثل البساسي
قلتها ونا اعرف النيه بريه
يالمطيري خوتك فيها حماسي
وطلتك تفرض علي اضرب تحيه
انت عندي اغلامن خمس الحواسي
وبشدايد معك لو صرت الضحيه
يوم قافك وصلني طارانعاسي
من بيوت اجزال مافيها رديه
ويالمطيري شوفتك تجلى المئاسي
والختام اقبل سلامي وتحيه