تكفى يا ابوي لا يغسل جثتي غيركـ
 

يابوي ليه تبكي كل ما شفتك وعينـك لـي
؛ تخاف أموت يابوي ... وقبل الموت تبكيني

تكفا يابوي لا تبكي وأنا موجود معك وحـي
؛ أجل بعد الرحيل أشلون في قبري توطينـي

ابوي لو تموت الناس ماتسوى دموعـك ذي
؛ وأنا يابوي ميت قبل أموت وأنـت محيينـي

قسم بالله يابوي لجل عينك شربـت الغـي
؛ جرعت الهم والحرمان وبحر الويل يسقينـي

تحملت السنين اللي طوتني في عاذبي طـي
؛ وصار الجمر بكفوفي .. وتحت أقدام رجليني

يابوي ماعلى عمري حسافه ولا بقا بي شي
؛ ولكـن بطلبـك يابـوي تكفـا لا تخلينـي

يابوي مابي غيرك يغسـل جثتـي بالمـي
؛ وتكفا قبل لا أتكفن .. يابوي فكلـي عينـي

بأمر الله يمكن ألمحك وأرحل في عيني ضي
؛ وودع وجهك الطاهر مع دنيـاي وسنينـي

وخل الناس تحملني وترفع راسي ورجلـي
؛ وتأخذني على قبري وتكسب أجرهـا فينـي

وأذا جيت القبر يا بوي نزلني شوي شـوي
؛ ووجهنـي لبيـت الله .. وقبلـه المصلينـي

وحط الطين وأدفني وعز اللي يعـزي فـي
؛ ثلاث أيام يابـوي .. يواسـوك المعزينـي

ورابع يوم يا بوي تذكر .. ضحكتي وعني
؛ تذكر وش كنت أقول يـوم أنـك تنادينـي

تذكر يوم كنت أنام في ظل النخـل والفـي
؛ تجي يمي تصب الما..على وجهي وتصحيني

تذكر جرة الموال وصوت في حبالـه كـي
؛ تذكر يوم أغني لك قصيدي وانت توحينـي

تذكر ضحكتك لا قلتلك يابوي عشقي هـي
؛ تذكر كم قصيدة خافيه مـا بينـك وبينـي

تذكر كل شي كان وأذكر يـوم انـا حـــــــــــي
؛ولكـن أسالـك بالله يابــــوي لا تبكـــي

سلمت يدااااكـ اخي على النقل المميز’’
دمت كماااا عودتنااااا راااقي بما تنقل لنااا’’

دمت بخير

قصيــده مؤثــره
الف شكر لك على الطرح

دمت بود

صح لسانك وتقبل مروري

الله يعطيك العافيه على النقل

اشهد بالله انه مؤثره يبوي تكفي لا تبكيني