قبيلة بني رشيد - يهب يابو عوجه وعبد الباري

محاور جرت بين ابو عوجه وعبد الباري بن عبد العزيز
فيها لغز ومعاني كثيره

من البارحه و الناس فارع وهواش=وابو عوجـه اللـي جرهـا واحتماهـا
ابا انشده لو من علوم امس منداش=من الفـارس اللـي لقمتـه مـا كلاهـا

نعم نعم

لفانا من أهل الشام عاني وطراش=يحسب الصقور اليالقهـا شواهـا
وعطينا مقسومه ومن بعدها انحاش=ومـن دور النكبـه بدربـه لقاهـا

عبد الباري

وانا قول رأس ٍ يصدمك مات..ما عاش=قليـبـك يـمـوت احنـيـف مــاذاق مـاهــا
ياليتك تعلمني وش اسمـه علـى الكـاش=عسـى الله مايخـل امـك ويقطع رجاها

الله الله

علومه تذكرني علوم ابـو هبـاش=يبا يكحل عيونـه وسبـب عماهـا

لمنك عكست الميم والراء مع اللاش=تبى تنكشفلك كـل بيـر وغطاهـا

عبدالباري

على زين رأس الضبي مابرأسه اعراش=لـو العـيـن حــورا يامـاشـاء الله عـلاهـا
ماباهـا تجيـك ومنـك ترجـع علـى مــاش=بهالـشـكـل تـــدري والله انـــي مـابـاهــا

نعم نعم

تراى الله خلق لشوكه ابره ومنقـاش=ونفس المعنـا موتهـا مـن هواهـا

واذا الله بلاك بدفش من بعض الادفاش=وش تسـوي بنـاس ِقليـل ِحيـاهـا

عبدالباري

معك نوب يسر الليل واحيان مغبـاش=ولادري عن العشره وش اللي وراها
بنـادم ملـه بالأخـره غيـر مــا حــاش=ودنيـاك تـعـرف طيبـهـا مــن رداهــا

نعم نعم

لعل السحاب اللي معه برق ورشـاش=على دياركـم يطلـق ثعولـه وماهـا
عسى منت من شابت الحاهم على ماش=مايدري عـن الدنيـا ودورت رحاهـا

عبدالباري

على الجرح يوضع قطن ويلف في شاش=وتـبـرا جـروحـك مــن خـلاهـا بـخـلاهـا
انــا عـارفـنـك بـيــن مـدفــع ورشـــاش=وقـربـتـك هـمّــال الـمـطـر مـــا مــلاهــا

الله الله

انا مابجسمي شـئ طيـب ومعتـاش=وعرف السوالف وجهـا مـن قفاهـا
نبى نختم الموضوع عن طاش ماطاش=ونكسب معرفت مثلكـم مـع رضاهـا