بطلب من كاتبها كتبها
اليك شعري هذه الكلمات التي هي منك
حوار مع ,,,,,,,,,,,
هل ترى الشخص مثل ماترى نفسك ام بداخلك شي غير مابظاهرك
قد يكون ان لم يكن اكيد

صحيح انه حصل شي سمعته وانقضى واخفيت=تفاصيل الخبر ماحد درابه غير انا وياه
ولاغير الله اللي عالم مابديت به وانهيت=بدايه من بغى لقياي يوم اني نويت القاه
وحبكت الخطه وسلمتها عقل عليه ارهيت=ونفذها بحرافه وانتهى الموضوع من مبداه
وريحت الضمير الحي يوم اني عليه اشفيت=لو ان النفس لكت كنها يا،،،،،، ماتبغاه
ولكن موقفي ياجب علي بلحظة التوقيت=البي رغبه المشتاق عكس اللي يبي وابغاه
وجيته بارد الاحساس قاسي قلب ماحسيت=شعور يفقد الرغبه ونشوة عز طيب وجاه
وعلمته بمالا يعلمه واسرجته وعديت=اخايل فوقه نجوم الكرامه واطرب المشقاه
وقلت افهم وقال افهم قبل لاتقولي واوحيت=انفذ مطلبك واطلق سراحي سدي وماجاه
وقلت اسمع كلامي زين ماينجيك ماسويت=سواتي فيك تكتمها وترضي من كسبت رضاه
وقل له كل ماتبغى حصل وازعلت من راضيت=وخله في طريق يسلكه لين يعرف منهاه
وانا ماقلتها واثق ولكن رحت والا جيت=اعرف ان الهدف شخصي ورماي الهدف ماخطاه
تصور له وزان لعينه المرمى وانا عانيت=من انه يخطي ويندم او يصيبه قبل مرماه
ولاشغلني مداي بعيد لو اني عليه ابطيت=ولو بالراس هاجس يحترق ماحد عرف فحواه
من المرسل؟؟ من المقصود؟؟ اجابه طعمها حلتيت=خصوصيات خلق الله تناقلها كثير افواه
ومن يبحث خفايا الخلق خافيه انغمس بالزيت=وتلالى للبشر ثم انتشر لو سترته تخفاه
ومن شات الهدف عجل على الطاير بلاتثبيت=يضيع فرصه اللاعب لو اللعبه كذا مسواه
ومشروعي شرعت البارح بتنفيذه وحطيت=دراسه فكر راسه من مراسه يفتهم فتواه
ولكن كل مايطري علي المستريب الغيت=مشاريع تتعب كل من حاول يجيب اقصاه
وخليت الصدف تثبت جدارتها ورحت وجيت=ومن صاد الخبر غيث المطر نبت الزهر من ماه
وانا المخطي على نفسي وخطاي اعظم بمن خاويت=ياليت اني قبل لاخطي فرضت المال قبل الجاه
عشان اعرف واعرف وانعرف من يقبل التشتيت=وابكسب من كسبني واخسر اللي مكسبي فرقاه