|
عبدالباري× الكابتن
عبدالبارري
يالكبتـن الطيـار لاتهبـط هـبـوط بــلا مـطـار=تـرا المـدرج مـزدحـم والـلـي تـوقـع مقلـعـه لكن دامـك بالسمـاء فأنتـه بسـوق الاختيـار=لاتصير بعيونك زوايا الأرض خمسه بأربعه الكابتن حسب الظروف الطايره يمكن ننزلها ظطرار=قال المثل والوقت لاعيا يطيـع انتـه طعـه ابشرك بالارض والا بالسما ء وقتـي نهـار=اشوف واحسب حسابي صح واطرح واجمعه عبدالباري أثرك امهايف للغلـط ومولّـم ٍ للأعتـذار=أمثال :(لا منه عصاك السوق ماتجلب بعه) الكابتناجل وش اللي جابك الليله على خط القطار=والناس لاجل العيد مرسوم الجمارك تقطعه لاتأمن ظروف الزمن وتعيش واحلامك كبار=من يأمن ظروف الليالي عض بالناب اصبعه حقق نظر عينك وتلقاني مع اصحاب الوقار=مدري غلط في كلمته والا بحروف المطبعه عبدالباري أنا احسبنك نجم ساطع من مدار أليا مـدار=وأثريك بلحود القبـور وتحسبنـك بالسعـه ماشفتك الليله وأنا ارصد كل الأجواء بالادار=أو انت رأس ٍ مايصادم والسبب فيه اصلعه الكابتن منتوج فكرك يقنعك والعلم لا طال المسـار=احدٍ يبا يمشي ثقه واحدٍ يبا يصـف ربعـه عبدالباريهلحين شفني يوم اسوق الخلفه ومعها حوار=يشوف ديس امه واحده ماهو قادر يرضعـه مايقدمون القوم منهم غير الأفضل والخيـار=أما قليل المعرفه كـل ٍ يبـا يقـول: أقلعـه الكابتنشفتك على جاموس راكب وأنت عينك للحمار=العلم اظنك تعرفه والصـوت اظنـك تسمعـه ان كان قلبك محترق لانك من الناس الصغـار=اجلس مع اصحاب الصدور اللي مجالسهم سعه ياليت بعض الناس عن بعض السواليف استخار=طبعي ليا شفت الردي تحدر بعلمـه مـا تبعـه عبدالباري ياصاحبي ذكر الحيا والخيريـن امـع الديـار=اتبينـه بيـض الليالـي والشواهـد ترفـعـه لأن الجمل مايشوف من خلقه سوا عرف الفقار=أما الجمال ايشوف عـوج ارقابهـا ماتشنعـه الكابتن ان كنت صادق سجل اسمك صح ويطير الغبار=لاتصير من ناسٍ تسولف من وراء سود اقنعه نصيحتي لا تنزل بمنزل ماهو منـزل حـرار=ليا عطاك الله مكـانٍ زيـن منزلـك ارفعـه عبدالباري أنا ماجيت اقول أنا اللي من يمين ومن يسار=بالملعبه كل الكلام المستحيل أبـا اصنعـه؟ هذا كلامك كل مـا شبولـك الشعـار نـار=لكان جر اسديـر ليـن اتوصلـه للمجمعـه الكابتن ماهي على كيفك لو الهقوات في صدرك شرار=الليل هذا غيـر ماهـو ايامـك المتواضعـه هدا الكلام اللـي تقولـه يعتبـر رد اعتبـار=اركب حصان العز لاتهابه وجـود مصرعـه عبدالباري ألا على كيفي ليا درت الفلك فيك استدار=والحمل تبغى توصله في درهمه ومرابعه حنا نعرف انك تبا تذهب ربوعك ياعرار=أما بطيارتك وألا ظهـر دنـاً مسرعـه الكابتن الله لا يبلاني مثل بلواك علم الاختصار=الله لا يبلاني وسولفها بنقص وقرقعـه تحلم وحلمك مايفسر واخر علومك دمار=والله لتبطي في مراتعها الهقاوي مرتعه عبدالباري ماضيعك ياسحر جالوت المسمى ألا القمـار=الضرس ابو عرقين بالمقلاع اتله واقلعـه السجن للمفلس نقول اريح له امن الانتحار=وش كلف المسكين في حمل الديون الموجعه الكابتن انته تحسب ان العوافي دايمه وضعك قـرار=تبغا وتبغا حيلة المحشـور لا قـل اسنعـه مسيلمه كذاب لو يرفـع شعـار الانتصـار=ولا خسر التاجر بسوق البورصه غير طمعه |
صح الله السنتهم محاوره جزله وفيها من المعاني
أشكرك سعد على التنسيق |
الاخ سعد لك مني جزيل الشكر والتقدير على الاهتمام
هدا ليس غريب منك لنك رجل تعطي الرجال حقوقها ومبداك طيب وسليم شكرا على التنسيق |
محاوره جزله صحت السنتكم
|
| الساعة الآن +4: 03:55 PM. |
Powered by vBulletin® Version 3.8.2
Copyright ©2000 - 2025, Jelsoft Enterprises Ltd.
