من البارح وانا اناديك ياحبرى وقرطاسى = على شان الهجوس الى تعاتبنى وعاتبها
على ماذا وليه وكل ماهبلك نسناسى = سوالً لجل خاطرك اطرحه والنفس جاوبها
على حسب اْلاْصول ومادفعنى محتوى الكاسى= لجل جرعة وفاء وحب الفضول ومايصاحبها
لجل عطراًشذاه يشابه الهفه مع الياسى=بمن قدره على وجه المرائى لويقلبها
على وجه الحقيقه شرهته يافاكر وناسى = وعلى وجه الخيال اكلم الورقاء والاعبها
من الهاجس لى الهاجس على الهاجس من الراسى =تبادلنى شعورى يوم ابعدهاواقربها
يلين اْ نبت ماكنتلى احساسً من احساسى =على ضوء القمر والنجمه النسمه تداعبها
بسكون اليل والى يحمله من جوهر وماسى=بطياته وقطر الكون يجذبنى ويجذبها
على سيرن تجاه مايدون بين اْلاقواسى =ولاْيملاء ولاْيكتب وللانفس ماربها
وعلى نفس الطريق الى بدينابه وينقاسى=نهاية قصةً شاعرك عايشها وكاتبها