|
من روائع الشاعر نايف صقر
من قصايد الشاعر العلم المعرف ... نـــايــف صـقـر العـتيبي..
........................وجــــــــــــه الطريق أسمر ........................... الموت حظ القلم والمجد للدفتر حبر القلم غلطتي وايامي اوراقي الخوف يجتاحني وجه الطريق أسمر راح اكثر العمر ياخوفي على الباقي ياجرح رافقتني للناس لاتظهر وان عشت في نظرتي مامت باعماقي ياصوت لاتلتحف صمتي ولاتصبر قل ماتبي واترك الهقوه على الهاقي والخطوه اللي عن آخر سكتي تقصر ماهيب من طبع رجليني ولاساقي مانيب من عاش لايربح ولا يخسر ولاهو ضرري تكون أفعالي أخلاقي ثراي ماينشد الغيمه متى تمطر مادامها في سماي تحن لاغراقي رح وين ماتشتهي رح قد ماتقدر أنا اول الناس في قلبك وانا الباقي يكفيني انك تعذبني وانا اتفجر قصايدٍ تنتظرها كل عشاقي وانا قصيدي يجي مختارني مهجر وأنبت عشانه نخل وسنيني الساقي ....................... ياينية النسيان ...................... يانية النسيان موتي داخلي غيظ وظما عليك من حبي لها في داخي موت وسياج حبيبتي نجمه تغنت في ملامحها السما حبيبتي صرخه على الوقت الرمادي واحتجاج حبيبتي جمله عتب مزمن على شفة عمي حبيبتي شوكى غصون الورد لأيام العجاج حبيبتي غصن اخضر .. لين على دربي نما لو كسرتني في كفوف الوقت تكسير الزجاج لعيونها كل الجروح استعذبت نزف الدما ولعيونها جفن السهر صارت له الدمعه مزاج أسترجع الماضي واناديها تعالي لى كما غيثٍ يبشر بالحيا سيله وسيعات الفجاج والا تعالي لي مثل طيفٍ تهادى وارتمى داخل عيوني لو يسافر بين رمشي والحجاج حتى تعيش الخطوه اللي رافقت درب الظما وانا اجعلك للهامه اللي مانحنت للناس تاج .................................................. .................................................. .... القلب عود يفوح والطيب من مكسره تحته من الجمر مايوقد سكات الرماد والعين مغرورقه بالدمع ومبعثره بين الصور والرسايل والدجا والسهاد حنا اليا حسبنا مازرعنا الذره قل للعصافير تتركنا وقل للجراد البارحه جف في غصن الملام ثمره عقب البياض انكسر ضلعه وسال السواد والناس خلان قبل الريش والمحبره شعوب وفخوذ واحباب وصباح وهجاد هذا الجمل لو سنامه سامك فـظهره ماله عزوم يقوم بها ولا له شداد ياذيب عيد على قلبه وفج نحره دامه رغى عقب هدراته وشم الحماد تمخض الوكر والقرناس عن حمره في راس قشعه لعب فيها الظما والنفاد يوم النحاس انصدع لونه وذاب أصفره غنيت للسنبله كل اغنيات الحصاد مايدفي الا الوبر والوصل والمقدره لازاد شوك الشتا في راحتك والفؤاد ولاصار ما لك اليا منك ركضت اغبره شوري عليك اترك البيدا .. وكب الطراد من قصايد الشاعر نايف صقر العتيبي |
ونعم با الشاعر نايف صقر ومشكور على النقل من هذا الشاعر المبدع وتقبل مروري
|
هلا فارس يالله حيه....
إطلالة جميلة بقصائد الشاعر الكبير نايف صقر....فارس كلك ذوق...بس المشاركة راح تنتقل لمنتدى عيون الشعر مع التوصية عليها بالتثبيت لأنها تستاهل... تحياتي |
كهل الصباء احييك بتحية الأسلام الخالده
كما ترى تصرف بما هو صحيح العين لاتعلى على الحاجب |
بيض الله وجهك اخوي فارس عتيبه
وصح لسان الشاعر المعروف نايف صقر وقصايد جزله وتم التثبيت وتستاهل القصايد وناقلها ولاخلا ولاعدم |
بيض الله وجهك يا فارس عتيبه
علا القصايد الحلوه |
ياحبي لللشاااعر هذاااا
يسلموووووا خيوووووووووو |
| الساعة الآن +4: 11:04 PM. |
Powered by vBulletin® Version 3.8.2
Copyright ©2000 - 2024, Jelsoft Enterprises Ltd.
