السبع الضاري

تلوح البروق ويكشف البرق من رجف الرعود=وتهب الرياح وتقفي المزنة ورعادها
ليا غابوا التجار سوق الذهب جاه الركود=وهامور تجار المدينه طلع ما عادها

المهم

تلوح البروق وتمطر ويخضر مع العود عود= خصوصاً ليا جات المخيلة على ميعادها
ترى البورصة قبل امس في زود والليلة بزود=دخلها وليد ابن طلال ورفع عدادها

السبع الضاري

تروح الطيور مهاجرة ثم بأمـر الله تعـود=وراع المطية لو نـزل يعتبـر بأشدادهـا
اشوف الشريطية يسومون والسوم محـدود=ولو فيه شمس امن امس تظفي علينا ابعادها

المهم

تموت الطيور وتولد طيور والدنيا تزود=ومن صادها ماهو مثل واحدٍ ماصادها
وبعض الشريطية تراهم يغثون الكبود =مالقحت بهم سلمى وهم يحترون ولادها

السبع الضاري

ماتدري زواريق الدنيمرك وصلت للحدود=وقامت تشب النار من شان ماض امجادها
انا ادري وش المقصود.. لكان ياالله لاتعود=ترا القافلة راع الخطايـا فنـا مـا قادهـا

المهم

وانا شايفن معهم جواسيس وعتاد وجنود=ولكن مصير الدينامركا مصير اجدادها
لتبكي ذرا بيت ابدوين سرق منه العمود = بيوتن بلا عمدان ماترتفع بوتادها

السبع الضاري

اجل ليه ماتصحي ربوعك وهم باقي رقود=وتلبس ملابس بيض مثل العرب باعيادها
مادام انها خدشة حضارم وغلطه من زيود=أنا ماتعرض نـاس ماينعـرف ميلادهـا

المهم

ترى الصوت واصل للجماجم تحت سمر اللحود=ولكن الاحيا لو اصوت على مرقادها
لو ان الهدى ماهو حصى ماسكنت فيه القرود=توالد ولا تكثر وملي البطن مافادها

السبع الضاري

تحيزم نصيبك صاربين النصـارى واليهـود=توكل على الله مالك اليـوم غيـر اجهادهـا
انا اجود من جودي ومن جود ماجودك تجود=وبعض العدود الله لايتكـل علـى ميرادهـا

المهم

عسى السبع بعد الموت يسكن بجنات الخلود = هذي دعوتي والنفس مشروعن استشهادها
انا شاعر اعليمي لكن انت شاعر ومحسود =ولنته بخايف وانت حلالها عقادها