احبابي اليكم هذه القصيده اعجبتني ونقلتها لكم وعسى تحوز على رضاكم

هب النسيم بريح ريحان الاحباب =وترنحت اغصان قلبي بتطريب
واحيا هشيم القلب من عقب ما شاب =من كثر ما تذري عليه اللواهيـــــب
قمت اتنشا ريحتة بين الا ســـــلاب =وانشق شذا عرفه بمور الهباهيب
يوم ٍ تحققته والى نكهة اطيـــــــــاب =صافي الثنايا سيد كل الرعابيب
خلته زهر عشب عليه الحيا طاب =اوعطر شاه ٍ من مغانيه قد جيب
اوما براسه يوم شاف الهوا صاب =وتأرجحت الافاق من نفحته طيب
طيب ٍ إلى شمه زكيم الهوى طاب =واستدملت منه القلوب المصاويب
ظبي ٍ على وجهه نبات الحيا ذاب =وابكا ثرا ثغره نبات الجناديب
من فوق متنه اسمر العرف سحاب =تسعين سوط ٍ له تدق العراقيب
قلبي تولع به وانا جاهل شــــــاب =حتى كبرت وصرت من حسبة الشيب

من قصايد الشاعر محمد بن مسلم من شعراء القرن الماضي ..
وسلامتكم