اسعد الله اوقاتكم..
مقاطع إهديها لكم , اهديها للشعر , اهديها للفكر..
هدية من كل قلبي لكلّ من يتذوقها..

**********************************

الليلة الارض/ غيمة , والسما/ فرقا= مبن ايْتجمّل على شاني ويضحكني
اليا بكت بنت.. ناحت داخلي ورقا=اشتقت لدموع بنتٍ بعدها اربكني
دموعها لونها / احمر .. مهي زرقا=متأكد وشفتها.. لاحدْ يشكّكني
الله على ضحكها اللي للطهر / يرقا=والله على دمعها النازل/وتتركني
غنيت ماقلت: من رايح؟ ومن يبقى؟= ساكن بصمتي ..ولاحاجه تحركني
تبي لها ضحكتين,ودمعه وفرقا= باقفايتي.. بس ابي لي شي يضحكني

ياقلّ باسك..ويااضعفك.. يابنْ آدم=ترجي من الناس..والارزاق عند الله
وتقول: انا الباني,وغيري هو الهادم=تفطن لغيرك.. وعيبك مانت فاطن لّه
إذا غرورك..يصير لنفسك /منادم=تأكد / إن كلّ مايقدّيك له زلّه
وتتيه الاريا معك, واتتوه , واتصادم=وياويل عقلك منك.. تاه بكثر قلّه
تصير شيخٍ .. غدا لمن يخدمه / خادم= من جور كبره .. بدا من شيخته ذلّه
وشّوله اتكيد؟ .. واتدبّر؟ يابنْ آدم=مافي يد الناس شيْ.. الرزق عند الله

***********************

الاهداء
الى كلّ صباح ابتدأ بالحنين وانتهى هذا الصباح ولم ينتهي ما ابتدأه من حنين :

يبست من الحنين اللي ملى عيوني .. وعزّ البوح=وكوى فراقك صباحٍ مرّ / لو لي قدره ..أخّرته
ابي ليْ صدرْ .. حتى اعيوبي يتقيهنْ/مهو مفتوح=ومايشكيني واعرف انه صغير..آنا تكابرته
يحبّ الشين قبل الزين فيّ, ويلتحفني روح=ومايفتشني بهرجه لـ/ ا ندماه..إن كان كدّرته
واصير/اصدق من الدمعه معه لا انحدرت من النوح=وله عمري / دخون .. وسكّتي صدره ومبخرته

رايح .. ولكن بعد ما تنتهي الحيره=اليوم فيني قصيده..مابي اكتبها
واذا طلعت غصب عني..جعلها خيره=بشققق اوراقها..وانسى اني صاحبها
من بين الاجفان..للنيران ..تجميره=والليل الاحمر..كسى العين وحواجبها
واا ..وجهي الاسمر..اللي مل تصبيره=وتسري سواريه لاملّ, وتغايبها

********************

الاهداء الى المرجلة , والدّين , وطهر القلب...
إلى خالي
رجل العلم والدين والتفوّق
الاستاذ الشيخ / حمّاد بن عديهان الرشيدي

ليت الجماعه كلّهم مثل حمّاد= ماهو ردى فيهم ! .. ولكنّ خالي
يفرق مثل ماتفرق ايّام الاعياد= عن باقي ايّام السنه والليالي
في لحيته.. كنّ النقا لطهرها / انقاد= وفي شاربه / اوّل.. ولاكان تالي
محبوب وامقرّب .. امقدّر واذا ساد= من حبّ خلق الله له , وصار عالي
جسوراً لفكّ الصعيبات معتاد=للكلّ طيبه.. ما انحصر للموالي

****************************************