قامت توديني الهواجيس وتجيب= يا الله سترك، والعفو، والسلامة
أونس بقلبي مثل لفح اللواهيب=وبانت على نفس الأبيّ انهزامة
غديت مثل اللي سبوقة مقاضيب=لا ناحت بقربي عصير الحمامة
عليك يا سيدي البني الرعابيب=يا بو قوام ما يقاوم غرامة
تركتني بين الصور والمكاتيب=والحزن، وأنواع القلق والندامة
والدمع، وجروح الزمان المعاطيب=والشمع، والليل الطويل وظلامة
والقمع، وهروج القفا والعذاريب=والسمع للعذال وأهل النمامة
أهل الملام مروجين الاكاذيب=واللي على الهامش يدور اهتمامة
ماني وانا بندر عديم المواجيب=ما يستوي مجد بليا شهامة
انا ولد حر عطيب المضاريب=عود على الشدات يكرب حزامة
ولا الردي يبقى ردي لين ما يشيب=لان الهلامة طول عمرة ملامة
ولا يعلم الخافي سوى عالم الغيب=قولوا لها: هذي خلاصة كلامة
إن كان ما اعجبها سوى مالك الريب=انا بعد معجب بزرقاء اليمامة

إن كان ما اعجبها سوى مالك الريب انا بعـد معجـب بزرقـاء اليمامـة