أول اليوم صبح وتالي اليوم ليل=جاك علمن جديد ورد علمن جديد
الجدي من جهل به مابخص في سهيل=والرساله لها يومين وسط البريد

اول اليوم تتعب كان مالك حصيل=كان منته بشاعر يستفيـد ويفيـد
الجدي عارفه وسهيل ماله بديـل=هات علمك عسى منت بشاعر بليد

ساكن الضلع عارف وين درب المحيل=مير وقت المعارك مايضد الضديد
عصر جيت الحويه وسطها دبك خيل=مدري أنته تغر الحرب ولا تحيد

ابتدى وقتنا والوقت باقـي طويـل=ودام موجود الاشقر لا تنادي البعيد
كان جيت الحويه منت عابر سبيل=في عيونك تشوف امطوعين العنيد

أنت تبرك وترغي يوم شلت الثقيل=تحسبني ماأخلي اليوم عيدن سعيد
أنت رجلن تسوم بسوقك المستحيل=مير قولك سمعته بس من ذا العبيد

مانشوف الحمول انشوف وضعك حليل=ولو ضغطنا شويه كـان ذاب الجليـد
الهويـدي تـرا رجـال مالـه مثيـل=انشد اهل الكويت وتلقى علم ن وكيـد

أنت شيخن مسمى لاتخض الصميل=وأنت ذيب الشواوي كن سنك حديد
الهويدي سعودي معه سيفن صقيل=والكويتي قريبي وانت مالك سديد

أثرك الي يهابد وبحمولـه يميـل=وانت قواد للحمله وباسك شديـد
الاسامي تشابه من عميل ال عميل=ادري انك شبيه ياحليـل الوليـد

كل مشعاب في ظهرك ياولد الفصيل=وأنت جرار قوسن ياملاقي المديد
مير شيل الحموله فوق ظهرك نكيل=تدمع العين وانته تشرب من الصديد

راح وقت الشقى ما باقي الا القليل=صعبه الجندي في ليله يصير العقيد
خلنا نختتمهـا زعفـران ن وهيـل=وكان به زلت ن فالوضع كله قصيد