اليل طرف وبن عمار ماجـــــــــود = اللي مقاييس السطى من زناده
وش رايكم في حملتآ قادها عود =عودآ يدور من ســـــــــنه للقياده

الليل طرف وانت حاضر ومفقود=بالموقف اللي يطلع أهل السيادة
وش رايكم في فارسٍ ماله جهود=يباري الحملة وينسى عتاده

عز الله أني عارف النقص والزود =والنقص ياسلمان غير الزياده
الفارس اللي لاغزا ياخذ الذود =تموت مانـــت منزله من شداده

لو كنت تعرفها مايلحقك منقود=مير الجهل طشك بحضن النقادة
وشلون تغزي وانت مامعك بالود=غزوة بلا (بالود) يعني (بلادة)

ماني بجاهل وأعرف البيض وسود .=مير أنتبه لشويك شوي الجراده
غازيك قـبـل الـعـام يـامـدور الـــفود .= في ديرتك لاكــــن خل المراده

يابو جرادة مانت بالعين موجود=ارتاح واحفر عن عروق العرادة
غزيتني في ملح ولا ببارود=الله يستر منك ياأحمد حماده

أقدر أغث أكبود وسمح أكـــبـود = في ماقفآ يصعب عليك أرتياده
أثرك سحابة صيف لابرق لارعود =روح عسا دنيـاك خير وسعاده

بالهرج تقدر مانت بالعلم مجحود=ولا الفعل..كبر تحتك الوسادة
لاعاد تدحم وانت ماعندك عضود=خلك على هونك ومشيك ركادة

يشهد لي التاريخ والعمر محصود = لاكن بن عمار قرب حصاده
أدحمك وشيلك وقطك على العود = كانك تدور للقشر والقراده