سلام من واد الرمة سلام من ذيك الحزوم=يالشجره اللي يامن الخايف لاجا في ضلها
ياصاحبي كانك تبي معنا مكرم ومحشوم=عطنا جزيلات القوافي والردايـا خلهـا

يامرحبا من حرة اهل العز وافين السلوم=فى ساكنً واد الرمه واهل الوفاء مانملها
قال المثل فالناس يارجال معطى ومحروم=والى على بالك لى من جبتها بفطلها

دام البقى يالقرم ياللي تعرف اسلوم القـروم=يا لنشمي اللي كل عسرات القعـود اتحلهـا
يا ابومحمد خل مسرانا مع الخـط العمـوم=وانت الك مني كان جت في غير قصد ازلها

مافيه شك انك من الى لبدءسد الزوم=يالطيب الى فارقن فى دقها من جلها
حنا سرينا مير بالطرقه يبينن العلوم=يالله عسى منته من الى يضيع وهو يدلها

الطيب يا حسان موجوده هله في كل قوم=لعل تبقى ترثت اهـل المعرفـه لاعلهـا
السوق طبيناه وانت اتسوم وانا معك اسوم=وكلن يعرف السلعه اللي لاشـرا يشتلهـا

الطيب لهل لطيب وانته قسمك اخيار القسوم=واهل المعرفه ورثت اهل المعرفهٌ لاتقلها
يالشاعر الدنيا غدت والعرف عيا لايدوم=والا العجم فديارها وان جيتها برطلها

حلاوت الدنيا تحج البيت وتصل وتصوم=وان شفت شخصن مايصلي قل صلاتك صلها
دنياك فيها الصقر مايطلع لياشاف 0000=والا العجم يا ابومحمد نعنبوها كلها

صحيح ماقلته عسى فالنيه اليله جزوم =يالشاعر الى لمشى فليلته فرملها
ياطير ياطير السعد يلى على المرقب تحوم=بالله لامريت دار القوم لاترسلها

يا ذيب جر الصوت جره لا تعليت الرجوم=مدام نجلا شالهـا فـوق المطيـه خلهـا
وقل للمحارب ينتبه وين الدفاع امن الهجوم=ان طولت صعبه عليـه الـدار مايحتلهـا

اليا قنب ذيب الحرار الشهب عينك لاتنوم=اخذالحذر والا اليال السود لاتمهلها
معى شجاعه عنتر العبسى واحسب للخصوم=يومن بعض الناس ماتحسب والانحسبلها

اقبل تحياتي وسلم لي على ربعك عموم=يا الشاعر اللي خوتك ماملها ماملهـا
الوقت متاخر واحب ان اتسحر ثم انوم=وارجو السموحه بالقوافي دقها مع جلها