انت يومنك توايق بالجحارة والزرابـه=مالقيت السبع الاشهب والحنش والحيه
لو سلمت اليوم باكر يلهبك فـي نابـه=من مشى درب الزلق زلت برجله طيه

الزرابه مدهل لسرحـان وسـط الابـه=لاتوجهـا عليـه وهـي ماهـي ليـه
عوذ الشيطان صوم وجيب حسن الجابه=ابك حنا ندور الحسنه مانبغـا السيـه

ليـه تلحقنـي وانـا فالـديـره الخـلابـه=ماتخـاف اتـروح روحـه مابعدهـا جيـه
انت هاليومين مـن سرحـان رحـت نهابـه=مانفعك الماء القراح ولانفعتك الفيه

ملحقتك غير في خيرن ولاهي اطلابه=كان ابه علم ٍ جهلني وضح الماريـه
هيه يالسرحان طعني ونظر السبابـه=مالقيت العام تلقا عند خصمك زيـه

كيف تنسى الطرقي اللي مر فوق اركابـه=مع غروب الشمس واعطاك العصى الملويه
ويـن ودك بالقـرا وألا بـظـل الغـابـه=لاتهددنـي وانـا عــود القـنـا بيـديـه

انتـه اللـي بالحـفـل مــع شـلـتٍ نصـابـه=جاني بحفله وانا طرقي قبل حوليه
ودي اتردلـي الخطـاب الـلـي لـفـاك كتـابـه=طـال عنـدك بـالـدروج وصفحـتـه مطـويـه

ممكـن انـي صاحبـك هـاك الـزمـان ولابــه=غير انا .اللي لابس عقالي على الطاقيه
خفـت ارد ألـك الـجـواب بحسنـتـه وعقـابـه=ثـم تنسـى السـيـف ابــو حـديـن والجنبـيـه

لي صديق ٍ مثل هذا والثياب ثيابه=قلت هذا هو هذاك وعودة عكسيه
مرحبا ماغنت الورقا على مرقابه=الشهدني صادقٍ فيها ماهي مقفيه

لاتصدق :غيـر شـوف العيـن لله : يابـه=المشاكل عبـر الانتـر نـت مهـي شويـه
لاتحسبنـي خـوي ٍ عنـك طـال اغيابـه=حد علمك فيه مع شق القنا والبيه

جـابــه الله وسـتـلــم ســرحــان يـاطـلابــه=جــاك صـدفـه وانــت عــام نـشــد الطـرقـيـه
لـي ثـلاث اسنـيـن انـشـد بـيـن ابــان وطـابـه=ولاكشفته غير وسط ارسالتٍ مقريه