http://i36.tinypic.com/35mqxyx.gif

عندك أمل إني مع الوقت
بـ أنساك
وعندي أمل
إنك بترجع.. مع الوقت!


...

http://i34.tinypic.com/5cdmah.gif

عدّى شهر من بعـد ليلـة غيابـك
ولالقيـت لغيبتـك أي تفسـيـر
من هو مزعّل بس حضـرة جنابـك
إن كان أنا.. جمّعت كل المعاذيـر
خذي معاذيـري وهاتـي عتابـك
مع إنّ منّـي ماحصـل أي تقصيـر
خليّني أبكي بس عيشـي شبابـك
خليّني أبكي دمّ عادي وش يصيـر ؟
مشتاق لك .. مشتاق حتى لعذابك
ياللي وصالك غير ومفارقـك غيـر
عدّى شهر من بعـد ليلـة غيابـك
ولا لقيـت لغيبتـك أيّ تفسـيـر

...

http://i35.tinypic.com/2ebvlsh.gif

يا زمان الأقنعة وين الوجيه ؟
كل يوم يطيح لـ أصحابي قناع ..


...




http://i33.tinypic.com/30aaob5.gif

أنت الذي لاغبت عني :
دقيقه!
أصيح بـ أعلى الصوت وآقول:
مشتااااااااق
أنت الغلا وغيرك عساه
بـ حريقه!
وأنت الذي غيبتك ماهيب تنطاق
يشتاق لك
بيتك
وأنا
والحديقه
والكل منّا للوصل
صار توّاااق ..


...

http://i33.tinypic.com/2e4kllk.gif

أفكر أقطع علاقاتي مع العالم
دامك معي أنت تكفيني عن الدنيا

...

http://i37.tinypic.com/10p1xd2.gif

الرياض اليوم ماهيب الرياض
جوّها عطر وشوارعها حنين
يوم رحتي قابلتك بإعتراض
ويوم جيتي قابلتك بدمعتين
سيدّة قلبي لو بقلبك بياض
كان ماخليتي العاشق حزين
لاذكرك تسيل دموعه فياض
يوم غيره مابكاك بدمعتين
قالوا إنك أمس جيتي للرياض
ياهلا بك بس هو وين الحنين ؟


...




http://i38.tinypic.com/5x5z78.gif

ماقدرت أستوعب فراقك!
غيبتك ماهي بمعقوله..

...

http://i36.tinypic.com/nl7us2.gif

ماهو على كيفي أنسى لو بغيت أنسى
لو إنـّي أقدر على النسيان ماجيتك
وماهو على كيفي أقسى لو بغيت أقسى
لو إنّ قلبي حجر ماكان حبيّـتك

...


http://i35.tinypic.com/2lbggmp.gif

ابسألـك ياللـي مــن القـلـب مـاكـن
ياللـي تقـول إن الغـلا فـيـه تشكـيـك
لامن سمعت (( أيوّووه )) ولاّ (( الأماكن ))
بالله ماتشـتـاق لأيـامـنـا ذيـــك ؟؟؟
ماهو غريـب إن حـرّك الشـوق ساكـن
بـس الغريـب إنـك تبـي بعـد غاليـك


...




http://i37.tinypic.com/wt6fcm.gif

مبطي إذا كنت آتضايق أجي لك
الحين أروح لمين لامن تضايقت؟!
مبطي إذا أشتقت لك جيت أشتكي لك
الحين أروح لمين لامنّي أشتقت!

...


http://i33.tinypic.com/4fxr3r.gif

ياحبيـبـي لاتـلـوم ولاتـثــور
لاتخلـي شـك قلـبـك يقتـلـك
من عرفتك قلت لـي طبعـك غيـور
وحتى أنـا طبعـي غيـور وقلتلـك :
السنيـن تـروح والدنـيـا تــدور
وأنت باقي .. مثـل عبـدالله ملـك
لارحلت .. تضيـق آلاف الصـدور
وإن رجعت .. الشمس جت تستقبلك
وإن سهرت الليل .. شعّ الليل نـور
وإن رقدت ..الحلم جالك يسألك :
(وش تبي هالحلـم يابـدر البـدور ؟
أطلب أنت وكـل أنواعـي إلـك )
وأنـت وافـي بـس عيبـك ماتـزور
وأدري إن أحيـان وقتـك يخـذلـك
دام قلبي بيت .. هو لـك دور دور
اسكنه .. لاعاد تسكن مـع هلـك
أدري إنـك ماسكنـت إلا القصـور
بـس مـن مـدة وقلبـي منـزلـك
والسنيـن تـروح والدنيـا تــدور
وأنت باقي مثل أبو متعب ملك
...








...
م/ن .. لروعتـــه