الليله المعنى يابو خالد على حد السحاب =فتح عيونك زين والحبه على نيشانهـا
بيني وبينك ياناصر حبة خشم وإلا عتاب =اختار وحده من حدا الثنتين من عنوانها

الليله المعنى على راسك خطاء والاصواب = فتح عيونـك زيـن والبنيـه علـى سيسانهـا
لاضاق فيك الكون حب الخشم حبه لاتهاب = مافـيـه حــل الا كــذا ونــار مـــن دخـانـهـا

انته وانا في دار ّصك الباب ولافك باب = اختار فالبابين والحراس شوف وزانهـا
ياذيب يومنك على الطالات عاوي للذياب=وراك تخلط صاحي العربان مع مرضانها

انتـه وانـا واليـوم اباحاسـبـك قــدام الحـسـاب = ياللي توكـل نـاس ماشـان العـرب مـع شانهـا
وشلون تنشدني وانا اللي باغي ٍ منك الجواب=وانت تعرف من ساكن الديـره ومـن سلطانهـا

يافص ملحة يوم زاد المـي ذاك الفـص ذاب =احلف على اللي كل ليـل امشطـه جدلانهـا
راسي محشم وانت ميقاعك على سطح التراب =واللي يشوف من البشر ماهو كما عميانهـا

بانـت نقـاط الضعـف وانتـه ماتسويـلـك ذبــاب =احلـف عليـك مـع الهنـوف اليارقـص شيطانهـا
هذي علوم اللي مايدخل غير في وسط الخراب = والله يـالـولا قــدر ربـعــي لـحـشـرك باركـانـهـا

الراس مايرجع ذنب لو قيل له حضرت جناب = والكل عارف دورته عـد الطويلـه عانهـا
ليا شبكنا عمتـك منتـه بفكـاك النشـاب = وتصير في قبضة يدي والقوم اقص ايمانها

ياصاحبي خالد علومك مثل ضحضاح السراب = الــراس راســي والرعـيـه تنـعـرف رعيـانـهـا
اشبـك والدهـا يـنـوب عنـهـا يالعـلـك الـذهـاب = وقبـض عليـه بقبضـة (ن)تشبعـك ياجيعانـهـا

على شواربك الزبد والعلم مافيـه اغتـراب=غرك كبار ظهورها لكـنّ امـس إبطانهـا
ياللي تغنّى بالرضا يوم السواري في القراب =في كل يوم وليل تشرب من حدى قدحانهـا

على شواربي الدسم والانت زادك والزهاب =يخاشـرك فيـه الحميـر الخضـر مـع ذبانهـا
ياصاحبي خالد وانا طالبك لايطول الغيـاب = تـراي اعـزك مثـل ماتعـز الخـوان خوانـهـا

ياليل يامحلاك ياليل السعد تحت الضباب =بالعمه اللي كل ليـل مكرمـه ضيفانهـا
ارسملك المعنى ولكن دون عينينك حجاب = مير العرب وشلون تفهم من لغة طرمانها