قبيلة بني رشيد - .•.°.•ஐ•i[♥ الخـــــاطـر المكســـــور ♥]i•ஐ.•.°.•

http://mohajrat.com/up/uploads/ead99c1fb3.gif

أنا ما ابيك تسمعني وتجبر خاطري المكســور
ولــكن كنــت أبـي تبــقى معاي بكل حــالاتــي
تبي تــرحل عن أيامي ويجي غيري يعيش الدور
الا يا صاحبي صعبـة تعـــيش بـــغيــر لحظاتــي

من اللي يشبه دموعي وقلبه في سنيـنك نـور
ومن مثلـي أنـا قـــلي نـقــش بالـصبـر آهــاتي
حبيبي من العبث احلم وابني للغرام قصــور
وتجي في واقعـك لحــــظة وتهـــدم كل غايـــاتي

حبيبي ماقدرت أنسى وأنا لي في حياتك دور
أنا من علمـــك تعــشق وعشــــت الحب في ذاتي
تحريتك وعمري راح وكل اللي بقالي شعـور
أحاسيــسـي وتتعبــني تسولــف عـن حكــاياتي

بقالك حب في صدري ولو كان الوفى مهجور
فضــحني حـزني البـائــس وماغيـر قنــاعــاتي
مسافة بيني وبينك عواذل وألف باب وسور
وشـــباك مـن المــاضي ازوره في متــاهـاتي

أنا مـا أعاند ظروفي وأقول الغايب المعذور
ولكــن طــاري الفـرقى يـزود في مـعانــاتي
تفرقنا وتباعدنا وغدى فينا الزمان يجــور
حكـــايـا ما لها آخـر وحلـمي كـل غلــطاتي

سألت الكذب عن عذرك وأكيد انه شهد لك زور
عذرتــك كــان تجــرحني بشـكوى تشبه سكاتي
أنا ما أبيك تسمعني وتجبـر خاطري المكسـور
ولـكن كنـت أبي أبقـــى معـــاك بكل حالاتـي

:::: نـــــــواف الدخيـــــل ::::

http://mohajrat.com/up/uploads/19a6c2b852.gif