خلاص ابرتاح غادر والسعد فالك=من حضرتك لأجل تقلب لي موازيني
من اي كوكب نزلت وشايف حالك=من حضرتك لأجل تتعبني وتشقيني
مليت جرحك وتبريرك وموالك=تخطي وترجع تعتذر لأجل ترضيني
ان كان جرح القلوب البيض يهنى لك=يموت حبك ولا تنزف شراييني
يموت قلبي ضما واموت انا هالك=ولااشرب الذل بيدينك وتسقيني
غرورك اعماك تحلم تبني آمالك=نهايتك جات بيدك قبل تنهيني
والله لا إنت ولاعشره من امثالك=تخضع له النفس ويفكر يمشّيني
في واقع الأمر ماني بأصغر عيالك=رباني الوقت لاتحلم تربّيني
غلاك مات ابتعد وافراقك اشوالك=لاترتجي الدمع واحذر لاتعزيني
ماينزل الدمع لأمثالك ولأشكالك=اصلاَ من تكون حتى تفقدك عيني
لاعاد تحلم يجي رقمي بجوالك=والله مااخضع ولو ترقص شياطيني
خسرت نفسك ومضنونك وتمثالك=خسارتك للاسف ماعاد تعنيني

اقتباس من مشاركة ادري طيبتي غلطه (المشاركة 617419) غرورك اعماك تحلم تبنـي آمالـك نهايتك جـات بيـدك قبـل تنهينـي والله لا إنت ولاعشره مـن امثالـك تخضع له النفـس ويفكـر يمشّينـي في واقع الأمر ماني بأصغر عيالـك ربانـي الوقـت لاتحلـم تربّيـنـي الله يعطيك العافيه اخوي حجاج على روووعة النقل وصح لسان شاعرها تقبل مرووووووووري