ياشايباً .. ماشـاب قلبـك لهالحيـن=حنينـك ايبكّيـك يـاعـم عــوّاد؟!
مايختلف ابـداً علـى حبـك اثنيـن؟!=وإنت اجودي واحدْ..وعنْ ديرة اجـواد
كل ماكبرت وكـل ماوجهـك /ايزيـن=للخير في وجهـك.. منابـت وميـراد
الين من الطيبه,واطيـب مـن اللّيـن=لك/ جانب ليّن,ولـك /هيبـة اسيـاد
بشوشْ..ابْـوجه العالم /اقصين وادنين=والنيّـه السمحـهْ ..لخاطـرك تنقـاد
مجلسك : ميّة قصر .. وابنايته/طيـن=عامـر بترحيبك..ويكـبـر ويــزداد
ويوم إن كفّك كان خالي / من اسنيـن=كانن دلالك غير , وعزومـك اشـداد
شفاك ربّك,مـدّ لـكْ عمركْ..آميـن=ياللّي تصير بشوفـك اوقاتنـا اعيـاد
شفتك تحـنّ لصاحبْ,وموقف,وحيـن=وكـان لوفاك,ودمعتك..معك/ميـعـاد
ياعمّ ....لو العمر يقسم على اثنيـن=ياكثر ماتهـدى لـك اسنيـنٍ اجـداد

ياعمّ ....لو العمر يقسم على اثنين
ياكثر ماتهدى لك اسنينٍ اجداد

صح لسانك
ورحم الله امواتنا وامواتك واموات المسلمين
أميـــــــــــــــن