غزل من نوع آخر لبن سبيل
 

[POEM="font="Simplified Arabic,4,black,normal,normal" bkcolor="transparent" bkimage="images/backgrounds/23.gif" border="solid,4,black" type=1 line=0 align=center use=ex num="0,black""]
يالله ياللي تسجد الناس لرضـــــاه = يا وامرٍ خلقه على حج بيتـــــه

تفرج لمن سدّه على الناس ما ابــداه = راضي على مقسومك اللي عطيتــه

من شي يسل الحال والجسم يبـــراه = والناس ما يشفون ان ما شفيتــــه

قلــت آه واجرحاه من علتــي آه = وان حملوني حمـل غيٍ قويتـــه

قالوا سفا بالحال ويش اللــي اغـواه = قلت آه ويش المنكر اللي وطيتــه

قالوا جهلــت وبان علمك لمنهــاه = قلت آه علمي يا ملا ما كنيتــــه

قالوا طلبنـا لك مـن الله معافـــاه = قلت آه وحدّْته وعفــوه رجيتــه

قالوا هله واحباب عينه نصحنــــاه = قلت آه هذا واردٍ مـا بغيتــــه

قالوا ندور لك مـن البيـض حليــاه = قلت آه لو غيره بكفـي رميتــه

قالوا نشاش العــود مالك بلامـــاه = قلت آه عود الموز بيـدي لويتــه

قالوا تزوج كود تدلـــه وتنســـاه = قلت آه لو اخذت اربعٍ ما نسيتـــه

قالوا من اقصى الناس وين انت واياه = قلت آه ما آنسى يوم جاني وجيتــه

قالوا نشوفـه عنـد هذا وهـــذاه = قلت آه عمره ما عقب حجر بيتـه

قالوا عليــلٍ ناقـــلٍ داه برداه = قلت آه باقرابي وروحي فديتــه

قالوا نشيــر ولا نفـع ما حكينــاه = قلت آه هراج النمايم عصيتـــه

قالوا كثــر شيبك وقلبك بعميــاه = قلت آه لو قلبي غريرٍ نهيتــــه

مطاوعٍ قلبــي بعجفــاه وقــداه = والى عطى منهاج دربٍ عطيتــه

ياناس خلوا كل وادي ومجـــــراه = قلتوا كثيـر وقولكــم ما لقيتــه
[/POEM]

يعطيك العافيه فلاح الفلاح

لاتحرمنا جديدك

يعطيك العافيه فلاح الفلاح

لاتحرمنا جديدك
__________________

الله يعطيك العافيه

تحياتي لك

هلا بك يا حجاج العريض وابشر بما يسرك

رحم الله شاعرها

ولاهنت على النقل

ابشر بما يسرك