قبيلة بني رشيد - قصيده في الصيد

بسم الله الرحمن الرحيم
الحمد لله والصلاة والسلام على أشرف الانبياء والمرسلين نبينا محمد عليه أفضل الصلاة واتم التسليم , اما بعد .....
السلام عليكم ورحمة الله وبركاته
هذه قصيده أعجبتني وحبيت إنكم تقرونها وتستمتعون بمضمونها الشيق مع العلم إني ماأعرف منهي له
أكثر ماأعجبني فيها وصف المقناص ووصف الصيد , لااطيل عليكم

البارحة قضيت ليلي تجاليد
من ضيقة داخل حشاي مغمورة
ولا همني طرد العذارى المناهيد
شفي فبر مخليات قفوره
ياعيد عينت العيال الاواليد
اللي لهم فالقلب ذكرى وصورة
وياليت وقت فات يعود ياعيد
وقت مضى ياعيد وانهى بدوره
خوة نشاما ماعليها مناقيد
الكل منهم وافيات شبوره
خوة شرف مرامها لدور الصيد
يوم الولع راعيه يمشي بشوره
ماهم من اللي يخلفون المواعيد
الكل منهم يعجلك في حضوره
وقت الظلام نسند السوح تسنيد
قبل القمر يكمل علينا ظهوره
وشفنا ولجو ربعنا دون ترديد
وان شافها السواق بأطراف نوره
وشغل تماتيكه أشاره وتعميد
وكم صيدة غصب عليها محشوره
وياما بعكس الريح نمشي محاويد
بفياض وتلاع وهاك الكظوره
ويازينهن اليا اعرضن لك معاويد
وعلقتها ليما تعلت بزوره
وثارة وطاح التيس واقفن مشاريد
وقيل الغدا وكل يجمع غموره
وتعاونوا وجهزوا كل مانريد
وقام الولد والبن الاشقر يدوره
ولا العصر نطلع عليها عراجيد
فوق المواتر بين سهله وطوره
يوم النشاما فوق معهم بواريد
وحنا نطاردهن بهاك الوعوره
واليوم أشوف الوقت كله تناكيد
ياعيد دنيانا علينا غيوره
كل المفالي حط دونه تحاديد
وتغيرت عقب الحلا بالمروره
راحت عوايدنا وذيك التقاليد
أشوف انا القناص بيع طيوره
ولو أتصبر صبري اليوم ما يفيد
وقت تفرق من يجمع نشوره

وسلامتكم

--------------------------------------------------------------------------------