قبيلة بني رشيد - اشتاق لك

بسم الله الرحمن الرحيم
السلام عليكم ورحمة الله وبركاته
اقدم لكم هذي قصيده
وتمنا تنال اعجابكم

اشتاق لـك بالثانيـة والدقيقـة=ونام بالاشواق واصح بالاشـواق
الشوق غالي والمحبـه حقيقـه=واعيش انا مشتاق واموت مشتاق
للي هواه حـدود قلبـي طريقـه=ساقه طريق الحب للقلب ونسـاق
يدهل مساحه وسط قلبي عريقـه=ماطبها قبله من النـاس عشـاق
بنا قصور الحب وانشـا حديقـه=متعلقه بيـن الضمايـر تعـلاق
فيها طيور الحب تعزف مسيقـه=وطروقها يعزف على كل الاطراق
وازهارها ترقص وتنثـر رحيقـه=وسط المساحه لين يغرقني اغراق
قام يتمادا فـي فـوادي صفيقـه=واثره يطـور فلمساحـه والاراق
يلين كون دولتـن مـن حريقـه=واصبح لها حاكم ويحرقني احراق
كنه ملك رومـي لـولله شقيقـه=الي خذا منه الحكم غصب وخناق
يامر وينهـا وزعلـه مانطيقـه=وليازعل عندي يشينن الاخـلاق
لخدمته ارسـل اذا نشـف ريقـه=مليون خدامـه ومليـون سـواق
اسقيه من دم العـروق الرقيقـه=وزاده حشاي ومحتونه الاعمـاق
حتى خلايا الدم متطيـق ضيقـه=تضحك معه والداعبه كل ماضاق
وقعت لعيونه الصكـوك وثيقـه=انه ملك قلبي على بيض الاوراق
والشوق غالي والمحبـه حقيقـه=اعيش انا مشتاق واموت مشتاق