|
ابن مدعث وابن عمار
اضع بين ايديكم هذه المحاورة اللتي جرت بين الشاعر ابن مدعث وبين الشاعر سلمان ابن عمار
ابــــــــن مــــدعـــــث سلام الله سـلام (ن) لبـن عمـار ينقـاد=يقوده صافـي الطيـب للطيـب يقـوده الا ياصاحبي وانت يـا نـازل يـا شـداد=بعد ما درت في الارض حدد لي حـدوده ابــــــــن عــــمــــااار هلا يامرحبا عـد ليـن تضيـع الأعـداد=تراحيـب الوفـا فيـك ماهـي بمعـدوده أنا في ديرة أهل الفخـر تيجـان الأمجـاد=محـاذاة الجبـل ديـرة العـز الصمـوده ابــــــــن مــــدعـــــث هلا فيك البقـا يالمرحـب يابـن الاسيـاد=وعد العز بعض العـرب مـا ذاق فـوده عسا الاحفاد يا صاحبي في نهج الاجـداد=عشان ايموت بالحقد من نفسه حقـوده ابــــــــن عــــمــــااار من المنشا تخيلـت لـي بـارق ورعـاد=ولا أدري عن بروقه ولا أدري عن رعوده تحيزم وانتفض يابن مدعث واضرب الماد=مدام المـوت واقـع والأعمـار محـدودة ابــــــــن مــــدعـــــث ليا منه نشـا المـزن طفـى كـل وقـاد=تموت النار لو زدت يا صحيبي وقـوده ترى ما حول عينك وانا ابناخيـك مرقـاد=لو ان عيونك القشر يا صحيبي رقـوده ابــــــــن عــــمـــــاار عساها ماتجنـب عـن البصـرة وبغـداد=تنقص مـن جحيـم العـراق ولا تـزوده تكـرر غلطتـك ليـش والجمهـور نقـاد=أثرك اللي ليـا تـاب مـن ذنبـه يعـوده ابــــــــن مــــدعـــــث انا مـا ودي اتربـط ايدينـك بالاصفـاد=تفارق شبت الضو مـع ذعـذاع نـوده الا يا حليل سلمـان مـن ناشـد بنشـاد=يواعد بس يا ناس يخلف فـي وعـوده ابــــــــن عــــمـــــاار وأنا مـاودي يحـط فيـك هجـار وقيـاد=ليا طالت يدينـك تبـا تجيـك محصـودة لابالله أنتـه اللـي تحضـر بكـل ميعـاد=ولكـن صاحبـك لاتنقـض فـي عهـوده ابــــــــن مــــدعـــــث وانا ودي تحيزم بسيـف الشيـخ شـدااد=وشـد اطنـاب بيتـك تراهـا امهـدوده
|
صح اللسانكـ يابن مدعث وصح اللسان ابن عمار ..//
واسمح لي بأعاده تنسيقها بشكل الصحيح .// وشاكر لكـ نقل هذه المحاوره الرائعه |
محاورة رائعة بين شاعرين رائعين صح السانك يا ابن مدعث ويا سلمان ابن عمار
|
| الساعة الآن +4: 12:33 AM. |
Powered by vBulletin® Version 3.8.2
Copyright ©2000 - 2025, Jelsoft Enterprises Ltd.
