ألا يا عين ياللي مـا تنـام الليـل سهرانـه
تنوح من الفراق اللي معنّيها علـى الغالـي
حبيبٍ كثرت همومي واساهرها على شانـه
لك الله غير نور العين ما يطري على بالـي
عليه ورود قلبي بالتوجّـد هـزت اغصانـه
يميل الوقت ولا يعتـدل بالحـب مـا مالـي
محبٍ سامرت عينه علـى فرقاهـم أحزانـه
أهوجس والمهوجس بالهوى ماهوب أبد سالي
خلقها الله كامل زيـن سـود عيـون فتانـه
إلي من غاب لا تنشد عن أخباري ولا حالي
على مهجة فؤادي كاتـبٍ إسمـه وعنوانـه
على عيني وفوق رموشهـا طيفـه يورّالـي
عليه القلب من جور المحبـه صـك بيبانـه
خذا نشوة غرامـي والمـوده بـأول وتالـي

شعر الأمير عبدالعزيز بن سعود بن محمد آل سعود

صح لسان الشاعرالامير عبدالعزيز بن سعود بن محمد آل سعود

والله يطيك العافيه علي النقل الجميل

تقبل مروري اخوك .... (خالد الداموكي العبسي)