يامن يخاويني على رحلة ذهاب بدون آياب=والطايره في حكمـة الطيـار يـا ركابهـا
الليله الرحلة نبيها من على متن السحـاب=رحلة بها حريـة التعبيـر يفتـح باابهـا

يالكابتن الي خوتك يحسبلها الراكب حساب=يا مرحبابك والعلوم الطيبه نسعابها
سقها على ماتشتهي واصحى تدخلنا الضباب=ترا خويك مبتدي وانت العلوم ادرابها

إربط حزامك ياالمعزب من سفرنا لا تهاب=وإكتب وصيتك الحياة أسرار غيب كتابها
فوق الخليج اليعربي نبغا نحلق يا شبـاب=ويمكن نمر اديار فارس مانهبط بترابهـا

مهما تحيزمنا مصير العبد يرجع للتراب=النفس مثل الطائره ذهابها وايابها
الي تعود بالسفر دايم على ضهور الركاب=الطائره لوهي تحلق فوق مايشقابها

ناس ٍ تحسن وضعها من عقب عنها سهيل غاب=ونا س ٍ تدهور وضعها يـوم إفقـدت شيابهـا
خلك معي وإن خفت حول يا تموت أو يا تصاب=لا تصير رحلة فاشله وانت السبـب وأسبابهـا

وازيدك من الشعر بيت ان العرب فيها اكتئاب=الي تحلق اشنابها والي ترب اشنابها
ماتشوفني ماشي على يمناك ياحضرة جناب=يومن بعض الناس ماتقدر تشيل اعصابها

تالي الزمن لون البدل طاغي على لون الثياب=مد النظر وأحـذر عيونـك تشتبـك بهدابهـا
بسم الله الرحمن وإكتب معي في سطور الكتاب=بعض الروايات العرب فيهـا تلـف ارقابهـا

لاتربط المعنى ياكابتنا على ريش الغراب=نلحق ولد مربح يبى الورده يطير غرابها
معي القلم والدفتر الي فيه باحط الجواب=لي تقص اروايتك بالله ويش اعرابها

هولتني نوب إ بزهاب ونوب معي إبلا زهاب=سولف ومد يديك للحيـه ومـس أشنابهـا
إكتب عن أبو عمه وقلي متى وقت الصواب=عسى الضريبه عمته ويصيبهـا ضرابهـا

الياسرى ليل الدجا يبين مضمون الخطاب=تكشفلك الايام يالكابتن خفايا غيابها
ماعرف ابو عمه وانا في محزمي شلفا ذياب=الياختلف طبع الخوي سحبتها من انصابها

يا صاحبي قررت للموضوع معك أصـك بـاب=ماهـو ردى لكـن فيـه امـور مـا تقوابهـا
يسعد مساك إنشد وتلقى العلم عند اهل الصواب=بعض السوالف ما يفك رموزها إلا اصحابهـا

الياقفلت الباب مايلحقك من عندي عتاب=لأ نا نعرف اهل الغرور الي تمس اثيابها
والا الرموز الي تسميها غدت مثل السراب=ضحضاح قيضن ماروى من شوفها شرابها

صح لسانهم وبيض الله وجهك على النقل