قبيلة بني رشيد - جيــــت آتغـــــلا ليتــني ماتغـــليت

جيــــت آتغـــــلا ليتــني ماتغـــليت ...... العيد جبتـــــه يوم جيت آتغــلا

كنت أحسب أني لو تغليت مااخطيت ....... أثره صحيح أن من تغلا تخــلا

كان الهدف من صدتي يوم صديت ....... اشوف في قلبـــــك إذا لي محــلا

لا تحسبــني صامل يوم قفــــــيت ....... القلب رافـــــض عن هــواك يتخـلا

ما تدري أنك من على دنيتي جيت ....... شفت البـــدر في دنيتــي لا تجـــلا

وما تدري انك كل ما جيت لبيــت ....... كنك تنادينــــــي ولك القلب هـــــلا

وما تدري إني لا لمحتك تفديــــت ...... أشوف حبـــــك في فؤادي استحــلا

لا جيت أوصف فيك يابنت أزريت ...... لأن الخلايق من حــــلاك اتحــلا

إن شفت عينك تهت فيها وتعنيت...... ورموش عينك ذي سيـوف تسـلا

لا سلهمت عينك توهقت وعانيـت ...... تنشب رموشك في بعضها واتبلا

والحاجـــب المقرون في حله بليـت...... لغز صعيب وما لقا من يحــــلا

والخشم رسمه لا نظرته تباهــيت ....... والقلب لا شافه من الهم يسـلا

وعليك مبسم من حلاه استجنيـــت ....... جمر حمر ماخوذ من نار تصلا

وعليك شعر لا نثرته وفليـــــــــت ....... كن الظلام يحل والصبح يجــلا

وعليك خصر في وصوفه تغنيـــت ........ خصـــر نحيل وفي جمالك تعـلا

وعليك مشيه تذبح إليا تمشيـــت ....... كـنك تعـــد إخطـاك والقـــلب ولا

يعني من الآخر أنا منك وليــــــــت ....... ياحظ منهـــــو داله ويتســــلا

هذا الذي في دنيتــي بس حبــيت ........ اللي يبـــيــني خــــل وابــــيه خــلا

لا جيت أوصف فيك يابنت ذليـــــت ........ أخاف أوصــف شيء والنــاس تبــلا

ياأم الحلا ياليتــــني ما تغـلـيت ....... العيـــد جبتـــــــه يوم جــــــيت آتغـــلا

مــنـــقــــول.,.,.,.,..,...