قبيلة بني رشيد - دعا عليهم اباهم فلم ينجبوا اولادا

الشـــــــــاعر .. جحيش بن مهاوش

قال قصيدته المرثيه
في ابناءه حيث دعا عليهم واستجاب الله دعوته
ولم ينجبو اولادا .. وقيل انهم تزوجو مروه وثنتين وثلاث من اجل ان يرزقو ولكن امر الله قد نفذ
وانقطعت من ذالك الزمان ديارهم
والـــــــــــــــقــــــــــــــــــــصــه

أنهم تنكروا لوالدهم حيث توفيت امهم وهم صغار وقام بتربيتهم حتى كبروا وكان لهم بمثابة الام والاب
يسهر الليل على رعايتهم وفي النهار يذهب لجلب طعامهم........الخ
وعندما كبروا تنكروا له واصبحوا لا يريدونه مراعاه لخواطر زوجاتهم اللتي تأففن من خدمته
وصار كل واحد منهم يطرده من بيته
فما كان من الوالد الا سكن احدى المنازل المهجوره حتى صار لا يقوى على النهوض أو السير وضعف بصره فذهب زاحفا
يتوسل لابناءه بأن يمكث عندهم حتى يأخذ الله امانته
فلم يستجيب له احد ...؟
فقال فيهم هذه الابيات المؤلمه

قال الذي يقرا بليا مكاتيب
ياللي تقرون العمى من عماكم
ياعيالي اللي تشرفون المراقيب
تريضو لي واقصرو من خطاكم
خذوا كلام الصدق مابه اكاذيب
مثل السند مضمون للي وراكم
ياعيال لاصرتو ضيوف ومعازيب
ترى الكلام الزين ملحه قراكم
وترى السبابه من كبار العذاريب
وهرج البلايس مايطول لحاكم
المذهب الطيب فهو مذهب الطيب
والمذهب الخايب يبور نساكم
ياعيال ماسرحتكم باللواهيب
ياعيال ماعمر المعزب ولاكم
ياعيال ماضربتكم بالمشاعيب
ولا سمعوا الجيران لجة بكاكم
ياما توليت القبايل تقل ذيب
من خوف لاينقص عليكم عشاكم
وياما شربت السمن من عرض ماجيب
يفز قلبي يوم يبكي حداكم
احفيت رجليني بحامي اللواهيب
وخليت لحم الريم يخالط عشاكم
ياعيال دوكم لحيتي كلها شيب
هذا زمان قعدونا بذاركم
قمت اتوكا فوق عوج النواصيب
قصرت خطانا يوم طالت خطاكم
عطوني القرضه عليكم مطاليب
عطوني القرضه جزا من جزاكم
لابد يومن عاوين دوني الذيب
بالقبر مافرق طيبكم من رداكم
ماني بفاضحكم بوسط الاجانيب
باعمالكم يدرون كل اقرباكم
لو كان تدرون الردى والمعاييب
صرتو مع المخلوق مثل خوياكم
خوالكم بالطيب تروي المغاليب
ولو تتبعون الجد محدن شناكم
وش علمكم يا تاركين المواجيب
حسبي عليكم هالردى وين جاكم
قصيتكم واسندت وادي سلاحيب
ولقيت بالصبخا مدافيق ماكم
ياعيال بعتونب ( بصفر العراقيب )
ماهي حقيقه سود الله قراكم
يالله عسى اعماركم شمسها تغيب
يعتم قمركم ثم تضلم سماكم
ياعلكم في حاميات اللواهيب
ياللي على الوالد خبيث لغاكم
عسى نساكم ماتحمل ولاتجيب
ولاحدن من البزرااان يمشي وراكم
اخسو خسيتم ياكبار الغابيب
اهبوا هبيتو يقطع الله نماكم