|
الشهري × الكابتن
الكابتن
سلام الله على كل الحضور وحضرة الشعار=أقوله واسمعوني والشبح مشروب فنجالـه يقولون الشبح موجود قلنا يدخل المضمار=لعل شعيل تبعد خطوته مايصيبـه جفالـه الشهري نرحب بالنيابه عن بنو عبس بكلامن حار=كما جمر الغضى لازاد دخانه وشعاله ترا من ينسحب وقت المواقف واللزوم حمار=ولاهونعم في عمه ولا جده ولا خاله الكابتن بني عبس بمضاربها وعقيد القوم وسط الدار=عسى فيك ابركه والآدمي ينشد عن اعمالـه لاتحرق زهرتك في جمرة إلسانك مع المشوار=ترى ماودي العبسـي معانـا يقـل منزالـه الشهري مضارب عبس معروفه نعم يالكابتن الطيار=وكل ن عارف وشلون مطلاعه ومدخاله انا زهرة شبابي ناعمه لايبست الازهار=على طول الدهر ماني بلا عاقه ولا عاله الكابتن عسى الشهر ي صبور مع الدروب ويعرف المعبار=عسى ما يضيع الطرقـه يـروح بدربـه لحالـه علومك طيبـه لكـن وش علـوم اهـل الأنظـار=ليـا جـاك الخبـر بذنيـك ياالشهـري توحالـه الشهري انا من ناس اهل حشمه واهل عزه وأهل مقدار=خويك رجل وهروج البشر ماضيقت باله ابا منك الخبر وانته وقفت وتطلب الاخبار=ياطيب الشاعر الكابتن عسى الله يستر احواله الكابتن مذمك لكن إنك في قدم رجلك وطيـت النـار=ومن يمشي وهو ما يشوف تصبح حالته حاله ذلول القوم معها هرش يهدر والحوار حـوار=على كيفه يمشيهـا وحـلال القـوم يبرالـه الشهري ندوس النار يوم ان الذليل يكثر الاعذار=ترا كل ن على سلمه ومنهاجه ومنواله اشوف الهرش يمشي في قياد وفي رسن وهجار=يحط الحمل ساعه ثم يبرك ثم يشتاله الكابتن مدامك إنك تدوس النار منته لا قي ٍ مظهار=ألا يهب ياهـذا الولـد كـم رقـم جوالـه عسى اللي مثلكم دايم يجون لدارنـا زوار=مكانه عندنا محفوظ والمجلس لـه رجالـه الشهري يقولون الرجال الموت اخير من الخزئ والعار=وبعض الناس لوانه يموت اخير واشواله منازلنا رفيعه يوم كل ن له مقام وكار=وانا ماني من الي ماتقهوا الضيف بدلاله الكابتن تقولونه واقوله والله اللـي يعلـم الأسـرار=بعضهم لو تعلم ما قـرا ياغيـر يقـرآ لـه مذمك وانت شهري ياالمسمى والحرار احرار=محد قال إنك اللي مكسبه ما يعشـي عيالـه الشهري دخلت الدار ادور كبتن الشعار جوف الدار=طلعت السطح واثر الادمي موجود فالصاله تراء الشهري نذير وجاك فالعلم وعطاك انذار=ومن مايسمع الانذار فال الله ولا فاله الكابتن أحسب إن العلوم اكبار لكن العلوم إصغار=يدورني وأنا موجود ربي يكثـر أمثالـه مواقيفك جميله والسوالف ما عليها غبار=واظن الكمبيوتر واضحاً باالشاشه ارساله الشهري تصاغر من صغر عينك ولا ون العلوم كبار=تضعضع وضع ابو زيد الهلالي عاشق اهلاله صحيح اني لبست الثوب فوق الفرد بالمسيار=على شان المعادي مايروح يسابق اضلاله الكابتن أنا علقت صوره واضحه بااللوح والمسمار=يا أبو زيد الهلالي صاحبك واصلك موالـه لباسك تاج فوق الراس يوم ٍ العرب حظار=وانا اللي واقف ٍ جنبك وفوقه ثابت عقاله الشهري ابو زيد الهلالي عاشق اهلاله طويل اشبار=علامك ياطويل العمر لاسالي ولا داله ماغير يشجعك ذيب الحجاز الطيب المغوار=ولكن فاقد الشئ اعتقد مايقدر إكماله الكابتن خبطت الشجره ومن غصنها العصفور شفته طار=وأظنه طـار واقفـى إقفايـة ٍ مابعدهـا إقبالـه ما باقي معك زاد إرتاح لا تتعب مـن الأسفـار=يتعبك السفـر لا صـرت رجلـي بيـن خيالـه الشهري تمنا والتمني من ضياع الفكر والابصار=اشاره واضحه لاصحابنا في نجد وجباله ذكرتك وانت فوق الذكر يوم توزع الاذكار=ومن يذكر بخير الى توفاء تذكر افعاله |
مشكور على تنسيق هذا الطاروق الرائع
وصح لسان الشعراء والله يعطيك العافيه وتقبل سلامي |
صح لسانهم وبيض الله وجهك على النقل |
صح لساانكم
|
اخي سعد الشقل لاهنت على تنسيق هذي المحاوره والله يعطيك العافيه
وصح لسان الشهري والكابتن والله يعطيهم العافيه |
| الساعة الآن +4: 04:41 PM. |
Powered by vBulletin® Version 3.8.2
Copyright ©2000 - 2025, Jelsoft Enterprises Ltd.
