اقلط
 

[POEM="font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]اقلط هلا مرحبا من صافي افوادي=ترحيبةٍ من فوادي مشيها سيدة

تقهو من دلةٍ في جنب برادي=وقدوع تمر الحسا اللي في عناقيدة

وعشاك يطبخ طليٍ فوقه الزادي=بعد صلاة العشا قد زان تبريدة

واليا تعشيت جبت الفرش ووسادي=وتنام لين الفجر تقرب مواعيدة

واليا سمعنا صلاة الفجر بمنادي=نسعى لبيتٍ نحصل فيه اجاويدة

ونعود بعد الصلاه لبن وقنادي=وفطور من ماتحب النفس وتريدة

ونركب على اللي له الطراش ينقادي=لدار سلفه يشوق القلب تغريدة

اللي ليازدتله بالمشي يزدادي=ياجيد عبد اللطيف اصحيح ياجيدة

اللي ماورد لداره موترن عادي=يومٍ ربي ومره اختار توريدة

والعصر بالوادي اللي دون شدادي=تشوف بعيونك الثنتين في (0000)

وابذل جهودك بمصدارٍ وميرادي=وقل قصدك اللي تبي وافهم مقاصيدة

ان كان بالنقد انا بالنقد نقادي=وبالجاه والجاه ما تخفاك اجاويدة

وسلامتك ياولد(000) و(000)=هذا الخبر جاك لا ينقص والا ازيدة[/POEM]

صح لسانك اخوي الشاعر وتقبل مروري

بيض الله وجهك اخوي الشاعر
وكفو تقول وتفعل
والقصيدة جزلة ومثبته نفسها
وقدرتك الشعريه واضحه من خلال تمكنك الكبير بالقصيدة
صح لسانك
ولاخلا ولاعدم

صح لسانك


يسلمووووووووو