يصحابنا مافيكم اللي ما يقووول ولا يطوول=الليل طرف والسوالف ما طرقنا بابها
المعتدي مقتول والفارس وقف دون الذلول=عنوان للموضوع واللحيه سرت للشنابها

اقتباس من مشاركة علي الهيفي (المشاركة 507244) السلام عليكم ياسلام ياحمد صح لسانك بدايه طيبه من وجهن طيب

اقتباس من مشاركة أحمد البويدي (المشاركة 507241) يصحابنا مافيكم اللي ما يقووول ولا يطوول=الليل طرف والسوالف ما طرقنا بابها المعتدي مقتول والفارس وقف دون الذلول=عنوان للموضوع واللحيه سرت للشنابها

يامرحبا ترحيبة ولا نقول اللي نقول = أحمد بويدي شرع البيبان لجل أصحابها
المعتدي مايقبل القسمه على فرض الحلول = وانته تحلا ردها ولا تنطح جابها

اقتباس من مشاركة أحمد البويدي (المشاركة 507241) يصحابنا مافيكم اللي ما يقووول ولا يطوول=الليل طرف والسوالف ما طرقنا بابها المعتدي مقتول والفارس وقف دون الذلول=عنوان للموضوع واللحيه سرت للشنابها

يااحمد ترانا ماعرفنا وش تبي يعني تقول=بالله هات العلم واقرا لي حروف اكتباها
المعتدي مافكه الله لو نزل بين الفحول=ماظن يجرا انه يتقدم خطوته ويبدابها

فيك البقى يا صاحبي قلي متى وقت الوصول=سقنا مشاريه الركاب ولك تلد أرقابها
دامك تعرضة السوالف خل لك رد (ن) عجول=لين السوالف تستوي ويزين لي مضرابها