قبيلة بني رشيد - الطمووح اللي سرت من نجد وامست بالحويه

.....................الــــــــــــطــــــــــــمـ ـــــــــــــــــــــــوووح..............

قصيده جميله ورائعه

للشاعر المعروف

ضيدان بن قضعان

اتتتركم مع القصيده...........؟

الطموح اللي سرت من نجد وامست بالحويه ....... ضيقت صدر الرياض وسافر الطايف وجاها
وانثنى غيم الحجاز لخد نجد نرجسيه ........... يوم جاته من زعلها كنها تقصر خطاها
زعلوها ورحلت واخلت قصور الخالديه ......... والحقتني شرهة الزعلان واخطاني رضاها
سافرت والله ماخبر اللي يزعلها عليه ........ واستباحت لله الخيره سهر عيني وماها
ليتها يوم استباحت دمعة العين الشقيه ........ ما استباحت دم اقلبي من خلاها في خلاها
سامح الله ضلمها وطعونها الخضر النديه ........ والله يسامح خناجرها ويعفو عن خطاها
عرضتني للعبايب والضمى والمهمهيه ........... واتركتني للزعل والشوق والكبر وغلاها
والغلا ماهو في يديها ولا هو في يديه ...... الغلا شي(ن) من الله واشهد ان الله عطاها
من غلا لو توردني على حوض المنيه ....... كنها تسقيني الشهد المصفى من شفاها
ومن حلاها ماتوصفها الحروف الابجديه ....... كيف توصف وردت(ن) يبري من العله شذاها
الورود تغار منها مزهريه مزهريه ..... وان تباهت عذرها معها يحق لها تباها
لا يشابها شبيه ولا يحاليها حليه ........ جل رب(ن) يوم صورها فرقها عن سواها
لاقبلت هيجنت وان اقفت جذبت السامريه ..... واعذابي لن عطتني وجهها والا قفاها
ان بدا لي وجهها يسعد صباح اليوسفيه ...... وان غشتني نفحت(ن) من ليلهل يسعد مساها
درت(ن) بالموت محروسه وبالبحر محميه ..... البحر من دونها والموت الاحمر من وراها
دونها ماغليت واسمهلي والاشداد المطيه ..... مرخص(ن)بالقاع عمري والثريا في سماها
لايمي يبلى بحب الحضر بعيون ابدويه ..... في ضروف(ن) مايقارن مستواه بمستواها
الله اقوى يافقير الحض ابو نفس(ن) غنيه ....... مالك الا الصبر والجنه لقاها من لقاها
والهوى اللي يطرح الرجال في يدين اجنبيه ...... علتن بالجوف لا تبرى ولا يلقى دواها
والهنوف اللي لرد الثار تاخذها الحميه ........ شفتها بالعين في قلبي وهي تاخذ قضااها
وشفتها تشتاق تطعني بلا ذنب وخطيه ....... كثر ماتشتاق لاعماقي وانا اشتاق لدفاها
كل ماعرقت بميسمها تحريت لخويه ..... والحقت بالميسم الميسم كذا على عماها
عاقبتني كل يومن تلحق الكيه بكيه ..... واتعبتني وادركتني والحقت نفسي مداها
وان تماادت جهزوا قبري وانا بكتب وصيه .... بكتب الله لايعاقبها ويرضالي علاها
العمار تلفها الايام والدنيا مديه .......... والسنين تلفني والنار تحرق من وطاها
علموها تلحق الباقي مدام الشمس حيه ....... واتغانم مابقى مني وماتطلب فداها
لاتمداى في جفاها والرياح الموسميه ...... ماتقدر وقفة الاشجار وتثمن عطاها
وعلموها مابقالي غير ادن الهاشميه .... كان ترضاها علي والا تهون عن جفاها
وانصحوها لاتحمل نفسها نفس(ن) بريه .... وذكروها بالقبر لعلها والا عساها
وعلموها علموها لاتطول بالحويه .......... ديرتن ماهي بديرتها لو اعجبها هواها