يالسبع ياويش رايك بوضاح اليمن=قدره بالشعر وهوه رضا باللي تقول
انت شاعر ولك بنواع كل الشعرفن=خبروني عنك ناس ٍ تجينا كل حول

انت شاعر ماتبي شور ياشاعر عـدن=اضرب الدنيا على ماتبي عرضن وطول
لاضبطت اللهجه الي تغني بـا اللحـن=مع مضارب عبسنا درهميبـه ياذلـول

اشكرك ماغنت الورق من فـوق الغصـن=ومانهج مسلم على الارض مع نهج الرسول
اللحـن نضبطـه والله يجنبنـا المـحـن=في مواقع ربعتن خيرهـم يشمـل شمـول

طالع سهيل اليماني يابو وزره وغـن=وانتبه لاتقيل الضهر في مجرى السيول
انت عاروفه مع المجتمع مالـك ثمـن=حافض اللهجات ومعايشن كل الفصـول

كان تقصد فارس القوم فكاك الضعن=كل مبغا خوته قال انا رجل ٍ عجول
وكان تقصد غير قلي وفيه لاتظـن=غير ظن الطيب جعلك لما قلته تنول

الزمن غدار واللي يعرفـون الزمـن=ياوسيع المعرفه مابهم رجلاً خجـول
والله إن مانحب المشاكـل والفتـن=مير زوزع ياجملنا على ظهرك حمول

الزمن هذا الزمن والمشاكل راس هن=المشاكل بالبشر قلـت ولا ماتقـول
يالمعزب خل موضوعنا هيلن وبـن=الرداء يزول والطيـب لالا مايـزول

الفرايض منزله مع رواتبها السنـن=الرساله لهل الارض يحملها الرسول
والسوالف طيبه كلهـا بـر وسمـن=وانت خلك بالوسط لاطلوع ولا نزول

مادخلنا شك بالرب خـلاق البـدن=خالق الارواح بيديه تقسيم العقول
اسر يذيبان في مظلم الليل الغسـن=والمعادي تعرفه بالصحاري والحقول

صح لسانهم وبيض الله وجهك على النقل