من امس ادق الرقم واعيده اليوم=جمر انتظآري ملني صدقيني:
اهم شي لياصحيتي من النوم =على رقم موبايلي كلميني:
تكفين ابسمع صوت انا منه محروم=همسه يطفي نآر الاشواق فيني:
صوتك يضمد داخلي جرح مكتوم=رح الغياب اللي سكن في كنيني:
يامستحلتني غلا صحت ملزوم=محتاج لك من دنيتي تاخذيني:
يادولة العشآق بك صرت محكوم=*يامن سكنتي وسط قلبي وعيني:
يامصوبه غآليك في عدة سهوم =عجزت أوآجه نظرتك وإعذريني:
اسير طرفك عآشق(ن) صرت مهموم=انعى غلاتك واطلبك تنظريني:
حرب المحبه بيننا يومها يوم=رفعت رآيآت السلآم بيديني:
كلي شموخ ارفع ايادي مهزوم=مادام رمحك في حشاي اطعنيني :
عقيد جيشك طرف ذباح مسموم=لاشر لي بسهمه صرخت ارحميني :
وفارس جيوشك طلسم غير مفهوم=حرف التزم بالصمت دمر سنيني:
نظرات عينك تسكن القلب بحلوم=ونبرات صوتك كلها تحتويني:
لا... لاتخلي قصر الاحلام مهدوم=فيه أسكنيني يالغلا وإحضنيني:
جوي بدونك للأسف جو معتوم=تدرين وادري عن خفايا حنيني:
ياله تعالي يالغلا وخلي اللوم=الصمت طال وغربتي تحتريني:
وليانويتي توصلي قلب مهموم=على رقم موبايلي كلميني