اشتاقلك في كل ساعه ولحظات=واتخيلك في كل يومن وليله
واعشق غرامك واسهر الليل ما بات=واموت واحيا بالرموش الظليله
لك منزلن باقصى الضلوع الخفيات=كله فدا هاك العيون الجميله
لو انها حالت بعيد المسافات= بيني ومن بينك مسافه طويله
ولو انها قطعت جميع اتصالات=دونك وصارت شوفتك مستحيله
ولو انها قطعت جميع العلاقات=غصبن علينا ماباليدين حيله
ما انساك بالي يذكرك طول الاوقات=يابو العيون الساحرات القتيله
لامن ذكرتك هلت العين عبرات=واخفي كثير الدمع واخفي قليله
واقول ياعين انثري الدمع باسكات=مادام قلبي صار همه حصيله
ماودي اجرح خافقي باللذي فات=يكفيه همه والعنا عزتي له

الشاعر/ بسام رجاء المكيحلي الرشيدي

( الرجااااااااااااااااااااوي)