سلطان طاب وطابت نفوس وابدان
 

http://www.alriyadh.com/2008/05/23/img/225663b.jpg
هذه القصيدة بمناسبة عودة ولي العهد صاحب السمو الملكي الأمير سلطان بن عبدالعزيز آل سعود - حفظه الله -

الحمد لله قبل لابدي بالالحان

قبل الكلام وقبل بدع الجدايد

سلطان طاب وطابت نفوس وابدان

وظهر صدى الأفراح عبر الجرايد

تبادلوا كم التهاني على لسان

حبٍ لشوف أبو الصخا والعوايد

ينثر من اسعاد الفرح ورد ريحان

لمقلد أبلاده من أغلى القلايد

هو ليه ما تفرح به شعوب ووطان

وهو ليه ما تأتي جداد القصايد

يوم أنت وسط جنيف والشعب ولهان

عيون تدمع مثل وبل الرعايد

قالوا عسى راعي المواقف والاحسان

يعود طيّب والسلامة فوايد

شعبك بحبك ياابيض الوجه غرقان

أغرقتهم يومك على الطيب زايد

سلطان أنت الخير والخير بك بان

ياسيد أهل الخير بالخير سايد

سلطان سيد الجود للجود عنوان

سلطان فرحت به شعوب وبدايد

سلطان يا رجل المهمات سلطان

لا صار قول وفيه ناقص وزايد

حكيمها لاحارت عقول وأذهان

زعيمها لاجات وقت الشدايد

سلطان بانت لك مواقف وبرهان

يادرعنا الواقي وللعز رايد

مافيه مثلك يا جملنا بليهان

ياللي تشيل الحمل لو كان كايد

كم قالة كبرت وثقلت بالاوزان

صغرت بعينك يوم غيرك يحايد

عضيد عبدالله الياكان ماكان

سلطان ضد اللي عن الدين حايد

نائب ملك رجل سياسة وميدان

يا قايد الشجعان ياخير قايد

جتك القوافي مسرجه ما بها ارسان

من شاعراً ينسج اعذاب الفرايد

حب ووفاء ياسيدي طلق الايمان

يا فزعة اللي جاه هم ونكايد

يا ريف مضهود من الوقت منهان

يا مسعف اللي مابقي له شرايد

عايض بن مقبل الرشيدي

صح لسانك

والحمد لله على سلامة سيدي

صح لسان شاعرها

والحمدلله على سلامه سيدي ولي العهد

ولا هنت يالاجهر على النقل

صح لسان الشاعر الكبير / عايض مقبل (( ابو نــــوح ))

ابدع وكفى ووفى بهالقصيده الرائعه له مني السلام والتحيه
عبر هذا الرد السريع ، وله التقدير والاحترام .

والحمدلله على سلامة سمو سيدي الامير/ سلطان بن عبدالعزيز
ويستاهل الفرحه والقصيييييييييييييييد والمدح .

وشكرا لك يااخ / الأجهــــر .. على النقل الرائع لهذا الشاعر الكبير .

تقبلوا تحياتي .

السلام عليكم ورحمه الله وبركاته

صح لسانك