قبيلة بني رشيد - *+* محمد المسعودي وثنيان الرشيدي *+*

السلام عليكم ورحمة الله وبركاته

http://halqurashi.com/up2/files/eb8d577a39.gif
جرت هذه المحاورة في القصيم بين الشاعرين محمد المسعودي وثنيان بن سرور الرشيدي:

ثنيان الرشيدي:

مرحبا عند آهل الطولات ورجال الحمية=آهل الطولات والآمجاد من ماضي الليالي
لامنا الإسلام والتوحيد بعد الجاهلية=والهذيلي مانبيحه فالجنيه وفالريالي

محمد المسعودي:

البقا ثم البقا ياهل الوفا من طيب نيه= نسمع اسمك فالجنوب وفالشمالي

....الوفا من يديك ومن يديه=ماتجيك الشمس من يمي يظللك الظلالي

الرشيدي:

زان ليل اللعب واللمه من اللمه بنيه=ولا يصير الحلو مر ولايصير المر حالي

ابشر إني يالهذيلي لا عليك ولا عليه=انتبه لي زين لاتخلط حلالك مع حلالي

محمد المسعودي:

لا تكبرها وتكبر ثم تبلش بالقضيه= أول الليله سلامه مار تال الليل تالي

بيننا ملح وزاد وعشرة ماهي بليّه=العقال اللي على راسك من البارح عقالي

الرشيدي:

لا تعجّل لد عينك فالمزون العقربيه=ماعليك الا البروق ولا عليك الا الخيالي

إن نشدنا الناس قالوا مابقي راعي مطيه=مابقي في جبال مكه راس ذيب ولا غزالي

المسعودي:

المزون العقربيه ماشرب منها ظميه= لو بارقها يلوح ولو منها السيل سالي

مالك ومال العلوم المخطيه ماهي بليه=حاضر بحاضر نشد الحمل في ظهور الجمالي

الرشيدي:

انت لا تقرّب يدينك في السلال النافعيه=اعرف الضلع المشطروعرف الضلع الموالي

دايم الجندي يتابع للأمور العسكريه=وأنت توك عسكري فالبريهه والبدالي

المسعودي:

والله إني لي معاكم حسنة ماهي بسيه=والجبال اللي بعيده بشروها بالزوالي

صح نومك ياثنيان انتبه للشمس حيه=روح دوّر مستجد وعلمه يابن الحلالي

الرشيدي:

انتهى عيد رمضان وباقيٍ عيد الضحيه=ياهجوسي يعلم الله وش طرالي وش طرالي

يالمطيري علّم الرجال لا يبيّح نويه=من يبيح في سدوده يربّطونه فالحبالي

المسعودي:

أبشر إن العيد الأول بين شمس وبين فيه= والضحيّه يعتق الرجّال ويموت الخيالي

..
..
دمتم بود

::
منقوووووول مع اجمل تحية