قبيلة بني رشيد - حتى لايتكرر سقوط البلدي " لا لتهاون والاتكاليه " نعم لحضوركم والتزامكم

بسم الله الرحمن الرحيم

باقي ايام قليله على 17 - 5 يوم الانتخاب ..

يارشايدة حتى لايتكرر سقوط البلدي " حضوركم والتزامكم ودعمكم لتزكيتكم " لا للاتكاليه والتهاون ولا لسماع الاشاعات ولا حتى لو كان بينك وبين مرشح من تزكيتنا موقف سلبي .. صير افضل لأجل تزكية جماعتك لأنه تزكيه طيبه .. انسى الخلافات ..

كلنا نذكر سقوط العراده او الرشايدة بالبلدي بدائره مضمونه لرشايدة معقلهم ..
بعدها الصحف والناس تقول سقوط الرشايدة ماقالوا سقوط العراده او العوني او مدير نقابة البلدية
بل سقوط الرشايدة وحتى التشكيك بالتزامها وهي معروفه بالتزامهم القوي لمرشيحهم ويوقفون صف واحد مع تزكياتهم ..

العراده يوم سقط قالوا لأسباب نتركها مانبي نخوض فيها .. بس سبب واحد بنخوض فيه هو التراخي والتهاون وعدم الحضور كان سبب رئيسي بسقوط الرشايدة بالبلدي " عدم حضور اكثر من 1000 رشيدي .. بسبب انه الفوز مضمون وسقط العراده وسقطوا الرشايدة ومالهم ممثل بالبلدي !!

من هنا نطلبكم يا ابناء الرشايدة رجال ونساء الحضور والالتزام وعدم التهاون لأنه ماهو نجاح المرشحين مضمون ..
هناك مرشحين المطران وراهم تزكيتهم وهناك 3 اقوياء خارجين لايقولون لكم مفرقين بل يبون اقل شي 5 كراسي !!
وهناك شمر وتزكيتها لمرشحينها
والظفير لمرشحينها
وعنزه قادمه ونحترم جميع هالقبائل ولهم رايهم وتزكيتهم نحترمهم بالتزامتهم ..

وانتم يالرشايدة مو قاصرين عن احد بالتزامكم وحضوركم ودعمكم لمرشحينكم رجال ونساء وخصوصا النساء لانهمل حضورهم فهم اكبر قاعده انتخابيه بالدائره .. دعمكم دعمكم مطلوب
ومرشحينا يستاهلون التأييد ولاتلتفتوا لأي اشاعات مغرضه تحاول ابعادكم عنهم .. من المجرب ومن الخدوم ومنهم المثقف والاكاديمي هم تزكية الرشايدة واخرجوا براي اغلب الرشايدة ووجهائها وارتضوا براي الجماعه ويسعون لتمثيلكم خير تمثيل ويسعون لأبناء الدائره الاخرى ونيل تأييدهم ولهم تأييد من اقليات .. فلا نخذلهم نحن ولا نخذل اصلن تزكيتنا نحن

لا لسماع اي اشاعات او الالتفات لها ولأي مغرض ..
لا تهاون ..
لا لتراخي ..
لا للاتكاليه على صوت اخوك او ابن عمك او ابن القبيله وانت تحسب صوتك او صوت اهلك غير مهم
بل مهم .. ويحدد مصير المرشحين بعد الله ...

نعم للحضور .. رجال ونساء وشيب وشباب
نعم لدعم مرشحينا ..
نعم للالتزام فيهم اربعتهم بقائمة التزكية " الدقباسي - الخنفور - الهطلاني - الدويلة "
نعم لنبذ اي خلاف مع مرشح او اسره فكلهم تزكيتكم .. ونعم لدعمهم بين ابناء الدائره وكسب تأييد لهم

http://www.alwatan.com.kw/Data/site1...-042108.pc.jpg
المرشح / علي الدقباسي
المرشح / سعد الخنفور
المرشح الدكتور / محمد الهطلاني
المرشح المحامي / ناصر الدويله

وندعوا الله ان يكتب التوفيق لهم ان كان فيهم خير للكويت وللاسلام ويكتب التوفيق لباقي المرشحين بما فيه خير للكويت والمسلمين