[POEM="font="Simplified Arabic,4,blue,bold,normal" bkcolor="transparent" bkimage="images/backgrounds/2.gif" border="double,4,red" type=2 line=0 align=center use=ex num="0,black""]يامن دهتنـي عيونـك واحتوتنـي يديـك= الله يسامحْـك كيـف تقـول مـاذا دهـاك

ماتـدري انـي متيّـم بـك وكلـي لديـك = مملوك مأسور مسبـي مستهـام بهـواك

أموت كلي معك .. واموت فيـك وعليـك= واغليك لكـن عسـى الله مايبيّـن غـلاك

واحنّ اليك .. وعليك احـنّ مـن والديـك = ومن لهفتـي عيـن قدّامـك وعيـنٍ وراك

أشتاق لك واشتكي لك منك واشكيك = اليـك كلك ملكني .. وكلك فـي عيونـي مـلاك

جادلك جيـدك جبينـك خنجـرك حاجبيـك= اسمك سماتك سمّـوك سِسْتِمِـك مستـواك

جوريْك جمرك لجينك عسجـدك وجنتيـك = ذرابتِـك رقّتِـك روعـة حضـورك بهـاك

وجهك وهج مبسمِـك بسمَتْـك غمّازتيـك = براءتك .. خالك اللـي لاذ بايسـر شفـاك

سِجِنّجِلِـك جلنـارك نرجسِـك كركـديـك= كاديك مسكك نسيمك شمس صبحك مسـاك

سلهام عينك .. نَعَس طرفك .. حَور مقلتيك = بوهَتْك ملحك حلاتـك خـف دمـك حيـاك

ما اعرف اداري ولا اهدّي ولا امسك بريـك= لاجيت اجي كلي .. وكلي عسانـي فـداك

أقدّم الروح كاش .. وباقـي العمـر شيـك = باسمك مصدّق ولا يصرف لحـيٍ سـواك

يامن دهتنـي عيونـك واحتوتنـي يديـك = الله يسامِحْـك كانـك قلـت مـاذا دهـاك [/POEM]

يـــــــــــــــا سعد

[POEM="font="Simplified Arabic,4,blue,normal,normal" bkcolor="transparent" bkimage="images/backgrounds/2.gif" border="double,4,red" type=2 line=0 align=center use=ex num="0,black""]ياسعد وش شاف مجنون ليلى بالغـرام = أشهد انه وان بِلِي بلوتـه يـا هونهـا


ياسعد ليلاه وان مـات فيهـا مستهـام = تدري انه بالهـوى ياسعـد مجنونهـا


المصيبه من غدى ميتٍ لـه كـم عـام = عشقته ماتـدري انـه قتيـل عيونهـا


قرهدت نفسه عليهـا ومـرّ الكبـد زام= ودوك قلبه ياسعـد مزّعتـه طعونهـا


ياسعد والله يالولا الحيا واخشى المـلام= والقرابه والحيـا والهـوى وجفونهـا


لاانهبه وانحاش واجلى جنوب ديار يام = ما يردن لو وقف جيش هتلـر دونهـا


ياسعد راع الهوى بالهوى لاضيم شـام = مايـرده طـول بيبانهـا وحصونـهـا


وان غوى راع الهوى في هواها مايلام = لااجتمع غبن الزمن ياسعـد وغبونهـا


ياسعد هي منوة اللي تمنـى والمـرام= لعن ابو حظٍ قصر ياسعد مـن دونهـا


أسمع الرعـاد واخيـل بـراق الغمـام = بس مادري ياسعد وين وبـل مزونهـا


وياسعد والله فلا اسلى هواهـا لاحـرام = لو يلوح الشيب في لحيتـي وقرونهـا


وخذ وصاتي ياسعد وصلّه بنت الحشام = ذي وصاتي كان غيري غدى مظنونهـا


لا شرت ثوب الفرح تشتري لي باع خام = يدفنونـي ليلـة العـرس ويزفونـهـا [/POEM]




[POEM="font="Simplified Arabic,4,blue,bold,normal" bkcolor="transparent" bkimage="images/backgrounds/2.gif" border="double,4,red" type=2 line=0 align=center use=ex num="0,black""]واوجودي كلما شفت زولـه مـن بعيـد = وجد مَن مِن زود مابه غبن عاف الحياة

ووجد من صلى على امه وابوه بيوم عيد = يوم صلى العيد مـد الجنايـز للصـلاة

ووجد عودٍ قيّـدوه العساكـر بالحديـد = ذابحٍ له نفس من دون عرضه والبنـات

واصغر القصّر بلغ ما عفا راسه عنيـد = أقشرٍ لاجاه جاه العـرب قـال الصفـاة

ووجد مجدور العرب بالخلا خلي وحيـد = بعنّته مـا حولـه الا الذيابـه عاويـات

ووجد رجْل اعمال عقب المعزه والرصيد= فلّس وحلـت عليـه العطيـه والزكـاة

أتوجّـد وادري ان التـوجّـد مايفـيـد = وجد مَن مانال شفـه ولا حصـل نجـاة [/POEM]



[POEM="font="Simplified Arabic,4,blue,bold,normal" bkcolor="transparent" bkimage="" border="double,5,red" type=2 line=0 align=center use=ex num="0,black""]قلت : حق ... وقـال :: لابالله زيـف= قلـت : عنـدي مايـبـرر موقـفـي

قال :: كيف ؟ وقلت انا له :: كيف كيف = بعـد ذا المـده تقـول انــك وفــي

زل صيـف وزل صيـف وزل صيـف= مـن ثـلاث سنيـن وينـك مختـفـي

رحت أدور عنك مـن بيـش لطريـف = ودجت نجد مـن الهفـوف ليـا نفـي

كنت طيف وجيت طيف ورحـت طيـف = والامـل لا طـال شمـعـه ينطـفـي

قال احبـك قلـت حبـك حـب حيـف = مااقبلـه لـو كـان حسنـك يوسفـي

مامعـي للحـرب لاحربـه وسـيـف = مـن غرابـيـل الليـالـي مكتـفـي

وعطر باريسي وساعـة مـن جنيـف = ماتـفـيـد ولا تـغـيـر مـوقـفـي [/POEM]