شفت وشلون خلق الله تحب الكلام=قلتلك لاتصدق حكيهم ما اقتنعت
لين ضيقت صدري بالعتب والمـلام=وإنت ياما حكولي عنك وماسمعت
جيتني وأنت ودك بالزعل والخصام=باين اللي يبي السبة ولو مااندفعت
طيروك العواذل طعتهـم ياحـرام=عقب ماكنت مقبل بالمحبة رجعت
خلهـم ينفعونك لاتـزيد اتهـام=من عرفتك مضرة وإنت عمرك نفعت
وين كلمة أحبك وين ذاك الغرام=ليش نزلت قدرك عقب مأنت ارتفعت
آه ياقوى قلبك لك عيون تنام=تجرح اللي يحبك بالكلام وقطعت
كان لك قدر وانتهى والسلام=غلطتي جيت كأني بالمحبة وضعت