قبيلة بني رشيد - السنيين تدور ب الميلاد والهجرية

الـسـنـيــن تـــــدور بـالـمـيــلاد والـهـجــريــه

وانت معهـا تـدور فـي دمـي وفـي شريانـي

اتــدارى دون شمـسـك فـــي بـــراد الـفـيّـه

اخفـي اللوعـه واطـفـي جمـرتـي بلسـانـي

كـل ماجـت مـنـك احسـنـه جـاوراهـا سـيّـه

ماتـقـارن سيئـاتـك فـــي بـحــور احـسـانـي

أتـعـشــم لا ذكـــــرت ابــراجـــك الـعـاجـيــه

وان دخـلـت الـبـرج الاول مادخـلـت الـثـانـي

مــادريــت انــــك مـنـفــذ خــطــة ٍ سـامـيّــه

والا انــــا دايــــم لــيــا دورتــنـــي تـلـقـانــي

كنـت اكـذب قـبـل اعـرفـك نـظـرة النسبـيّـه

لـيـن شـفـتـك مـــرة ٍ مـبـعـد ومـــره دانـــي

لا قـريـت (( نـيـوتـن )) تـنـظّـر تـجــرب فـيّــه

ابـيـك والله منـجـذب لــك بــس لا تقـصـانـي

ولو (( بلكـس )) يفتشـك بشـوف بـك ماريـه

يا (( الدمار الشامل )) اللي ماتني واحياني

اشـهـد انــك بالوصـايـف (( قنـبـلـه ذريـــه ))

والـبـلا انــك طبـعـك امريـكـي وانـــا يـابـانـي

كــل ماقـلـت انتـهـج فــي حـبـنـا الصـوفـيـه

قلت يالله وانت تكذب منهجك (( علمانـي ))

واعــذابــي كــــل مـالـديــت فــــي حـنــيــه

وابتدا شوقي يسـوق الشـوق ليـن اعيانـي

كــل كـلـمـه مـــن شـفـاتـك تعـتـبـر مـرثـيـه

تنتـفـض منـهـا الـعـظـام ويـرتـبـك وجـدانــي

انـــت سـلـطـان الـهــوى يـافـتـنـة الألـفـيــه

اعـدل اظلـم دمـت حاكـم سلطنـة قيفـانـي

الله اكــبــر والله اكــبـــر والله اكــبـــر مــيـــه

لا ضحكـت بمبسـم ٍ سـحـره سـحـر ربـانـي

وكــل مـاهـب الـهـوى يلـعـب بـذيــل عـبـيّـه

كــل ماطـبـت تـشـوق الحـصـن فالميـدانـي

بــك مـلامـح نـجـد لـكــنّ بـشـرتـك شـامـيـه

كن مامرك سموم الصيـف ف(( الصمانـي ))

ويــــا إلــهــي يـالـنـحـر وانـــــواره الـغــازيــه

كـل ماطالعـت بـه عـن مـن سـواك اعمانـي

اذكــــر الله كــــل مــاعــودك تـمـايــل غــيــه

بــس افـكـر كـيـف اوصــف عــودك الـريـانـي

انت مثل (( المختلف )) فالساحه الشعبيـه

جنسـهـا واجــد لـكــن اسلـوبـهـا وحـدانــي

كــل شــي ٍ فـيـك مالـقـى فالـعـذارى زيـــه

واعـرف انـي فـي وصالـك جـنـدي ٍ متفـانـي

يــابــري حــالــي عـلـيــك ويــافــراغ ايــديــه

يــاذهــب يــامـــاس يـايــاقــوت يـامـرجـانــي

ابــك حـتــى ابـــوك لا مـــن مـرنــي طـاريــه

اعـتــزي مـاكـنــه الا مــــن حــــدا جــدانــي

مـن عرفتـك وانـت نـارك فـي خفوقـي حـيـه

بــس اون ومــن ونـيـنـي مـزعــج ٍ جـيـرانـي

احسـبـك تــاوي لقلـبـي واثـــر مـالــك نـيــه

والبـلا انــي فـيـك متعـلـق وعظـمـي وانــي

هــــذي الاخــبــار والا الـنــشــره الـجــويــه

لا انتهى الموجز تسمّع فـي حسـن كرانـي

عبد العزيز الفراج