الحقايق بينت مثـل مابـان النهـار=وكتشفنا مشغل الناس باليوم الاخيـر
اسمعو ياهل المسيله ومن يسكن قفار=بعد بكره ننشر الاسم وصاير يصيـر

الدعاوي بيّنه ماعلـى الدعـوى غبـار=مير مـن يقـدر يصدّقـك يالعـود الكبيـر
كل شئ نحصّله غيـر الاسـم المستعـار=صاحبه بيضة سمانا ولاله وصف غير

انت صاحبنا تسافر على ظهر القطار=يوم عندي بالمسيله ويـوم ٍ بالحكيـر
منهو اللي يجهل اللي لبس زين شعار=في دول سبع الامارات صارلنا سفير

يــابــو تــركـــي لاتـلــفــت يـمــيــن ولايــســـار=الــخــبــر مـايـعـرفـونــه ســلــيــم ولامــطــيـــر
مايجـيـك قـصـور يالشـيـخ والـلـي صـــار صـــار=سرها مسرى الذيابه عسى خيرك كثير

مزحتن مابين جارن مزحها عند جار=اعتبرها صار شين وكن الوضع غير
وانت حرن هدبه ورتفع ظمن الحرار=والحصليه جيب فكسار ماعد النبيـر

لاتـصـورنـي وانـــا بـيـنـي وبـيـنـك جـــدار=يمكن تصور مهلهل ويطلع وجه زير
والله انـي يـابـو تـركـي مـاخـذت الفيكـسـار=ياطويل العمر مايركب الفكسار عير

صورتك الكامره وانت في وسط المطار=والتطـور مايخلـي كبيـر ولاصغيـر
جايز ان العلـم فيـه لفـه ونشطـار=لكن انته هن مابه مناص وقول خيـر

ودي ابعد عن حلـوق الذيابـه باختصـار=مير حلق الذيب ياسع جمل لوهو صغير
هن منهو طال عمرك مع اطوال العمار=المهـم ان الجمـل ياجمـل نفـس البعـيـر

لو تبعـد مايتغيـر يابـو زيـد القـرار=الجحش مفرد وجمع الجحش يصبح حمير
ان كشفنا الوضع ماعشت في كل الديـار=كل واحد من مرافـك يمكـن يستخيـر

ويش ريك عاد أولّع من الكبريت نار=لين تصبح يابو تركي طعامأ للسعيـر
انت شاعر بالنبط من شواعيرٍ كبـار=ميـر بالميـدان مالـك مفـرّ ولا مطيـر

خاف نولعها وتصبح عظامك بانصهار=وينشحب لونك وجهك ليا طال المسير
جامع الثنتين وطلبك في كلمتـك ثـار=والوعد في جمعة الناس والعاقب حقير

انت قلبك قلب ذيب اعرفك سر وجهار=عاد دوّرها وانا اخوك بالبحـر الغزيـر
والله انـك جامـع الشعـر كلـه والوقـار=مير من ياكـل بثنيـن يشـرق بالمظيـر

ماب قلبي يعرفه منقذن راع البحـار=انقذه في بطن حوته وفي بحرن غزير
لا تراوغ مره ايمين ومرارن يسـار=ولاتشبه يالجحش في عديمين الضمير